任達華為悼好友改航班

【蘋果日報】與林嶺東私交甚篤的任達華昨日大約12時抵達追思會，華哥表示為送故友一程，不惜改航班延遲開工：「原先今日要坐12點機飛北海道拍攝，但放棄咗班機都要出席追思會，之後兩點再飛東京，等幾個鐘再轉機去北海道，我同劇組講明一定要出席今日追思會，希望佢哋就一就時間。」
華哥謂與林嶺東十分投契：「我哋經常食飯、飲嘢，今日同朋友聚首回憶佢，佢對電影好有貢獻、執着，希望電影行業上有呢啲思想嘅導演朋友，可以一代傳一代，學習佢對電影嘅熱誠。」華哥指當日驚聞噩耗時心情難受，更忍不住傷感落淚，他呼籲無論年輕人抑或年紀大的人士，都要多注意身體健康。
華哥離場時透露，追思會場內的嘉賓都是一起吃飯飲酒，嘆雪茄，大家坐在一起閒談，場內又播着一首南燕寫的歌。華哥手上拿着一本以林嶺東的照片做封面的紀念冊，他表示裏面有朋友們對故友的回憶。
長青網 - 一站式長者及護老者生活資訊網站