【娛樂人物】王祖藍感情輸了

【蘋果日報】王祖藍個子矮小卻娶了個身材高瘦的華姐冠軍李亞男，最近更榮升爸爸，太太誕下千金。多年前他趁內地市場起飛，賺過盤滿缽滿，豪擲過億買豪宅，最近又首當賀歲片導演，看似一帆風順。但自祖藍到內地掘金後，香港觀眾對他逐漸反感，他直言對批評感到不快樂，但覺得賺人民幣非原罪。
王祖藍日前於觀塘接受訪問，提到近年觀眾對他的不滿情緒，坦言：「係有少少唔開心，你愛呢個地方，拒絕你先至會唔開心，如果完全冇感情就唔會care。」對於北上賺人仔是否原罪，祖藍說：「我唔會咁諗，相信有好多有自己諗法嘅觀眾。」香港怨氣重，祖藍表示最重要是帶歡樂給香港人，並會以汪明荃做學習榜樣：「敢言為自己行業爭取，唔會避開政治。」
湊女雞手鴨腳
不過女兒的誕生，足以抵銷工作上的不快，他更明言希望34歲的太太，趁年輕再多生一個：「趁亞男35歲左右追多個，太遲女人會辛苦，起碼兩個，小朋友社交會好啲，有多個兄弟姊妹。」祖藍表示當爸爸後心態改變了，需要重新學習，他說：「發覺自己好低能、無能，換片、洗碗、餵奶係好簡單，但點解我會雞手鴨腳。男人責任係照顧屋企，要注意老婆情緒，女人好辛苦，生咗幾日之後都好痛，又要餵人奶，夜晚又要起身，日日睇住個女，要更加錫老婆、囡囡、媽咪。」
談到首度執導拍賀歲片《你咪理，我愛你！》，祖藍直認是兵行險着，心情戰戰兢兢，他說：「方逸華年代已經問我做唔做導演，依家有自己公司，製作上有經驗，樣樣識少少，係時候去做，但歌舞片好冒險，好驚碌晒人情卡，拍得佢哋唔開心，朋友都冇得做。」
採訪：張俊銘
攝影：仇志德
場地提供：御一共享空間
長青網 - 一站式長者及護老者生活資訊網站