祖兒認與師兄分手「冇咗好耐喇喎」

【蘋果日報】容祖兒和劉浩龍（師兄）2012年公開戀情，為了這段情，祖兒不惜與密友何韻詩反目，至去年才和好。祖兒和師兄相愛期間經歷風雨，屢傳分訊，去年3月再傳分手，但當事人未證實。祖兒前晚出席活動時，正式承認與師兄「冇咗好耐」。
「我依家單身」
祖兒和Twins等前晚於中環出席品牌活動，祖兒透露跟閨密Twins計劃8月同遊希臘，鍾欣潼（阿嬌）與蔡卓妍（阿Sa）都會帶另一半同行，問到祖兒是否要找個伴？她竟說︰「未搵到呀！」當被問到為何不找師兄當伴遊？她說：「吓！冇喎！冇咗好耐喇喎！作為藝人，我嘅每一個說話同聲明對任何人都有影響，感情事係想低調處理，但問到我，我就誠實同大家講，我依家係單身。」其實她跟師兄的關係可說撲朔迷離，祖兒今次終於解開謎底，直認已經和師兄分手。
日前祖兒看完林海峰的舞台劇後在社交網站留言，嘆自己離結婚太遙遠，問她不着急嗎？她說：「冇得急，我enjoy自己一個人，婚姻、戀愛唔係人生一個must，人生必須多啲經歷，友情都佔重要位置，感情隨緣啦。」記者祝祖兒紅鸞星動，她無奈笑笑：「唉！多謝，一於咁話！」
其實去年3月已傳出祖兒與師兄分手，但後來又被指是為師兄4月個唱谷宣傳，祖兒更有去睇騷撐場，更明言︰「我們是互相支持的狀態。」而祖兒去年6月生日開船P，師兄也有出席，令這段情更撲朔迷離，不過祖兒今次正式宣佈分手，為兩人畫上句號。有傳師兄除了承受女尊男卑的壓力和容母的阻力外，「貧富懸殊」亦造成二人生活上很多矛盾。
師兄：唔輸得
師兄近日密鑼緊鼓宣傳新歌《阿龍理髮》，童年是肥仔的師兄透露，曾在小學一年級至三年級學柔道：「想當年好肥，當時比賽計磅數，我對面係一個高我三個頭嘅外國小朋友，我一出到去唔夠3秒就被淘汰，跟住返到屋企係咁喊，唔輸得，自此冇再學柔道。」
此外，早前患上甲型流感的阿嬌前晚復工與祖兒出席活動，她說︰「好番好多，仲有少少咳。」她說生病期間老公不在港，要自己照顧自己︰「佢飛咗去做嘢，之後會同佢先度蜜月，然後返台灣同奶奶拜年。」
採訪︰羅慧敏
攝影︰陳俊強
長青網 - 一站式長者及護老者生活資訊網站