新聞類別
娛樂
詳情#
【蘋果日報】
陳嘉寶（Anjaylia）喺前年同拍拖四年嘅初戀長洲闊少黃頌祈結婚，上年9月佢哋造人成功，之後Anjaylia公佈喜訊，懷孕期間不時同一樣陀緊B嘅陳凱琳討論生B經。陳嘉寶噚日同老公喺Ig分享喜悅，宣佈B女已經出世。佢哋喺Ig貼出B女嘅相，相中只見BB嘅小嘴同握緊拳頭嘅手仔，原來囡囡英文名叫Hosanna。
Anjaylia同老公代囡囡留言，同朋友、網友打招呼，感謝大家祝福同關心，又指自己好健康，又有啲害羞，希望大家留一啲空間，同時佢會探索呢個充滿奇蹟同偉大嘅世界。Anjaylia同老公仲講笑話忙於照顧初生嘅囡囡，未有時間回覆大家，不過就非常感謝大家既愛同祝福，最後留咗一句：「願主與你同在。」
姊妹爭上契
Hosanna喺立春前出世，加上下星期就係農曆新年，剛好趕得切逗利是，Anjaylia陀B前，已有唔少好友爭住認頭要做BB契媽，包括預產期喺3月嘅準媽咪陳凱琳，同埋同Anjaylia同期出道做模特兒嘅好姊妹蔡穎恩（Evelyn）。Evelyn知道Anjaylia嘅BB出世後，即刻畀like留言，應該很快去探BB，而蔡思貝亦有喺Anjaylia老公嘅Ig畀like，恭喜佢哋做父母。
撰文：馮仁昭
長青網 - 一站式長者及護老者生活資訊網站
陳嘉寶（Anjaylia）喺前年同拍拖四年嘅初戀長洲闊少黃頌祈結婚，上年9月佢哋造人成功，之後Anjaylia公佈喜訊，懷孕期間不時同一樣陀緊B嘅陳凱琳討論生B經。陳嘉寶噚日同老公喺Ig分享喜悅，宣佈B女已經出世。佢哋喺Ig貼出B女嘅相，相中只見BB嘅小嘴同握緊拳頭嘅手仔，原來囡囡英文名叫Hosanna。
Anjaylia同老公代囡囡留言，同朋友、網友打招呼，感謝大家祝福同關心，又指自己好健康，又有啲害羞，希望大家留一啲空間，同時佢會探索呢個充滿奇蹟同偉大嘅世界。Anjaylia同老公仲講笑話忙於照顧初生嘅囡囡，未有時間回覆大家，不過就非常感謝大家既愛同祝福，最後留咗一句：「願主與你同在。」
姊妹爭上契
Hosanna喺立春前出世，加上下星期就係農曆新年，剛好趕得切逗利是，Anjaylia陀B前，已有唔少好友爭住認頭要做BB契媽，包括預產期喺3月嘅準媽咪陳凱琳，同埋同Anjaylia同期出道做模特兒嘅好姊妹蔡穎恩（Evelyn）。Evelyn知道Anjaylia嘅BB出世後，即刻畀like留言，應該很快去探BB，而蔡思貝亦有喺Anjaylia老公嘅Ig畀like，恭喜佢哋做父母。
撰文：馮仁昭
長青網 - 一站式長者及護老者生活資訊網站
回應 (0)
