新聞類別
娛樂
詳情#
【蘋果日報】娛樂圈好多明星都係草根出身，姐匙近排留意到「草根姐」氣勢如虹，人氣更力壓「牙肉姐」，仲成為唱片公司力捧對象，向來恃寵生嬌嘅牙肉姐條氣梗係唔順，有位都想入番草根姐。
連基本禮貌都冇
其實，草根姐初出時都幾勤力，好有前途嗰隻，不過隨住佢人氣急升，獲公司高層撐腰後，草根姐對人嘅態度開始180度大轉變，變得態度囂張，對身邊嘅人連基本嘅客氣同禮貌都冇，成日小小事都發脾氣。姐匙有時見草根姐對助手呼呼喝喝，當正自己一姐咁，完全冇禮貌，佢仲成日拎高層出嚟做自己王牌，使人唔使本。再講，草根姐當年做新人時，為人驚驚青青好守規矩，又好有時間觀念，做嘢有早冇遲，但自從升呢獲公司重用後，畀好多好歌佢唱，佢就開始大支嘢，經常遲大到，每次最少遲到半小時，甚至會遲到成粒鐘，擺晒巨星款。
姐匙見過唔少呢類未紅先驕嘅藝人，佢哋根本未站穩腳步，咁樣嘅工作態度，升得快，上得高，同時都好快又跌番落嚟，仲要跌得好慘，所以牙肉姐做番好啲自己形象同本份，隨時有機會收復失地，到時唔知佢笑時，係咪又笑到露出大牙肉呢？
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
連基本禮貌都冇
其實，草根姐初出時都幾勤力，好有前途嗰隻，不過隨住佢人氣急升，獲公司高層撐腰後，草根姐對人嘅態度開始180度大轉變，變得態度囂張，對身邊嘅人連基本嘅客氣同禮貌都冇，成日小小事都發脾氣。姐匙有時見草根姐對助手呼呼喝喝，當正自己一姐咁，完全冇禮貌，佢仲成日拎高層出嚟做自己王牌，使人唔使本。再講，草根姐當年做新人時，為人驚驚青青好守規矩，又好有時間觀念，做嘢有早冇遲，但自從升呢獲公司重用後，畀好多好歌佢唱，佢就開始大支嘢，經常遲大到，每次最少遲到半小時，甚至會遲到成粒鐘，擺晒巨星款。
姐匙見過唔少呢類未紅先驕嘅藝人，佢哋根本未站穩腳步，咁樣嘅工作態度，升得快，上得高，同時都好快又跌番落嚟，仲要跌得好慘，所以牙肉姐做番好啲自己形象同本份，隨時有機會收復失地，到時唔知佢笑時，係咪又笑到露出大牙肉呢？
撰文：Jessie
本欄逢周五刊登
姐匙Talk
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。
長青網 - 一站式長者及護老者生活資訊網站
回應 (0)
