恬妞承諾返港拍戲

【蘋果日報】恬妞、邵音音及錢小豪等前晚帶同家人現身九龍灣，為主演的賀歲片《如珠如寶》謝票。恬妞坦言行程緊密，大前日剛從北京返港出席電影首映禮後，前日接受一連串的訪問，晚上又要出席謝票活動，她笑言越忙越享受︰「雖然係好攰，但我好鍾意，一來可以知道觀眾對套戲嘅反應，二來睇見佢哋熱情，好似開演唱會聽到大家掌聲咁，好感動！」
問到恬妞會否返港拍電影？她笑說：「其實我一路都冇退休㗎，喺內地拍電影同拍劇，只係香港冇播啫。我好想返嚟呀，今次返嚟宣傳，行街仲有好多人都識得我、記得我，好多人都叫我快啲返嚟拍戲畀大家睇，搞到我都好慚愧，一定要快啲返嚟拍戲。」恬妞表示年三十晚會返台灣陪媽媽：「我返去抱住屋企嘅寶貝過年，今次係唯一一次休息15日，之後再返內地繼續開工。」
撰文︰盧妹
攝影︰陳俊強
長青網 - 一站式長者及護老者生活資訊網站