吳卓羲要做林峯花仔

【蘋果日報】黃宗澤、吳卓羲、苗僑偉、苟芸慧與老公陸漢洋等出席《飛虎》煞科宴。黃宗澤撐住枴杖受訪笑言︰「我冇偷懶，出院後唞咗兩日即刻復工，同陳山聰、吳業坤拍撞車，就算有替身，成日要扮跑都好辛苦。」問到會否添食？他與吳卓羲異口同聲︰「睇三哥（苗僑偉）頭！」問到好兄弟林峯是否好事近，吳卓羲說︰「我就冇聽過，等佢自由發揮，不過佢結婚我會做花仔。」旁邊的黃宗澤搞笑謂︰「咁我做花車啦！」
苟姑娘在劇中飾演馬國明的刁蠻妻子，她感激老公幫她對戲，陸漢洋笑指︰「我學馬明呆咗就得！」問到現實生活是否是惡妻，苟姑娘說︰「好難！因為我講嘢唔夠老公快，唔夠佢講。」陸漢洋即護愛妻︰「佢唔係潑辣，係女中豪傑。」苟姑娘又指今年接的角色都比較硬淨，希望大家對她可以另眼相看。
採訪︰卓寶花
攝影︰陳慧安
長青網 - 一站式長者及護老者生活資訊網站