新聞類別
娛樂
詳情#
【蘋果日報】
梁詠琪（GiGi）噚日同電影《恭喜八婆》導演彭浩翔及演員陳逸寧、邵音音同微辣豪Dee去咗奧海城，為電影謝票。GiGi接受訪問時透露完成謝票就正式「收爐」，與老公同囡囡留港過年，畀囡囡感受新年氣氛，更指囡囡有幫手貼揮春佈置屋企，亦學咗拜年用語：「佢會講新年快樂，老公都係識講新年快樂、身體健康同恭喜發財，不過外國人講效果會好啲，所以拜年我都交畀佢哋講。」
GiGi提到三日優先場票房理想，希望套戲後勁繼續凌厲，話好開心今年見到多咗港產賀歲片，行業百花齊放同時，亦令大家焦點落在港產片上。問GiGi幾時去捧自己場？佢話計劃入戲院睇，順便留意觀眾即場反應。再問到會唔會喬裝入場？佢話：「着番戲中軍裝制服。」
另外，彭導急不及待向演員報喜，透露有荷李活片商洽談此片版權翻拍，GiGi讚佢一向有創意：「呢個（八婆）題材幾乎全世界都有，冇一個地域界限，係社會生態。」
叫彭導請浸溫泉
至於彭導承諾票房過2,500萬會請大隊去北海道滑雪，GiGi就話唔好滑雪，已叫對方請去佢浸溫泉：「當然唔係同佢一齊浸，係佢出錢，我去浸。」
撰文：馮仁昭
長青網 - 一站式長者及護老者生活資訊網站
梁詠琪（GiGi）噚日同電影《恭喜八婆》導演彭浩翔及演員陳逸寧、邵音音同微辣豪Dee去咗奧海城，為電影謝票。GiGi接受訪問時透露完成謝票就正式「收爐」，與老公同囡囡留港過年，畀囡囡感受新年氣氛，更指囡囡有幫手貼揮春佈置屋企，亦學咗拜年用語：「佢會講新年快樂，老公都係識講新年快樂、身體健康同恭喜發財，不過外國人講效果會好啲，所以拜年我都交畀佢哋講。」
GiGi提到三日優先場票房理想，希望套戲後勁繼續凌厲，話好開心今年見到多咗港產賀歲片，行業百花齊放同時，亦令大家焦點落在港產片上。問GiGi幾時去捧自己場？佢話計劃入戲院睇，順便留意觀眾即場反應。再問到會唔會喬裝入場？佢話：「着番戲中軍裝制服。」
另外，彭導急不及待向演員報喜，透露有荷李活片商洽談此片版權翻拍，GiGi讚佢一向有創意：「呢個（八婆）題材幾乎全世界都有，冇一個地域界限，係社會生態。」
叫彭導請浸溫泉
至於彭導承諾票房過2,500萬會請大隊去北海道滑雪，GiGi就話唔好滑雪，已叫對方請去佢浸溫泉：「當然唔係同佢一齊浸，係佢出錢，我去浸。」
撰文：馮仁昭
長青網 - 一站式長者及護老者生活資訊網站
回應 (0)
