新聞類別
娛樂
詳情#
【蘋果日報】陳靜（DaDa）同導演彭浩翔近日忙於宣傳賀歲片《恭喜八婆》，佢哋噚日為《蘋果動新聞》主持年三十《動腦Q：新春Q多寶》下晝3點15分嘅加場，兩人拍戲向來好有默契，做嘉賓主持當然冇難度，噚日有9,122人參加，有100人中，答中問題總時間最快嘅30人，每人有3,333元。
彭浩翔數時鐘酒店
一身紅色deep V裝嘅DaDa，為參加者帶來好運，問到「根據健力士世界紀錄，全球最古老店喺邊？」彭浩翔竟講笑話喺九龍塘，仲如數家珍咁數出多間時租酒店名，佢解釋：「我做資料搜集時知。」DaDa同彭浩翔異口同聲話好想落場玩，DaDa就話：「今晚我唔係主持，可以玩埋一份，我參與過一次，我知竅門，至緊要快，希望趁有加碼獎金玩，發吓新年財。」
男子組合MIRROR同ERROR噚日都拉大隊入《蘋果》玩直播，接受《動腦Q》挑戰，佢哋一共11人出擊，最初ERROR成員梁業（肥仔）呼籲大家分散投資，希望齊齊獲獎金請食飯，何壠華（阿Dee）借MIRROR嘅姜濤做網名參賽，遊戲剛開始氣氛緊張，不過當問到第三題就齊齊被淘汰。
今日大年初一，肥仔噚日先向大家拜早年：「新年越多工作越好，話晒係搵錢期，我哋剛出道想發到豬頭一樣。」保錡則話：「會狂拜年逗利是。」兩隊組合去年「鬥唔停」，豬年會繼續大鬥法嗎？肥仔話：「新年免傷和氣啦，都冇得鬥。」MIRROR嘅江熚生（Anson Kong）就話：「唔係鬥，我哋一直互相支持大家，佢哋新出歌《殺死我的經理人》我哋都鍾意。」保錡早前失戀，佢話：「搵另一半可以遲啲先，依家比較窮，可以搵多啲錢先，愛情需要有就要有。」
撰文：馮仁昭
長青網 - 一站式長者及護老者生活資訊網站
彭浩翔數時鐘酒店
一身紅色deep V裝嘅DaDa，為參加者帶來好運，問到「根據健力士世界紀錄，全球最古老店喺邊？」彭浩翔竟講笑話喺九龍塘，仲如數家珍咁數出多間時租酒店名，佢解釋：「我做資料搜集時知。」DaDa同彭浩翔異口同聲話好想落場玩，DaDa就話：「今晚我唔係主持，可以玩埋一份，我參與過一次，我知竅門，至緊要快，希望趁有加碼獎金玩，發吓新年財。」
男子組合MIRROR同ERROR噚日都拉大隊入《蘋果》玩直播，接受《動腦Q》挑戰，佢哋一共11人出擊，最初ERROR成員梁業（肥仔）呼籲大家分散投資，希望齊齊獲獎金請食飯，何壠華（阿Dee）借MIRROR嘅姜濤做網名參賽，遊戲剛開始氣氛緊張，不過當問到第三題就齊齊被淘汰。
今日大年初一，肥仔噚日先向大家拜早年：「新年越多工作越好，話晒係搵錢期，我哋剛出道想發到豬頭一樣。」保錡則話：「會狂拜年逗利是。」兩隊組合去年「鬥唔停」，豬年會繼續大鬥法嗎？肥仔話：「新年免傷和氣啦，都冇得鬥。」MIRROR嘅江熚生（Anson Kong）就話：「唔係鬥，我哋一直互相支持大家，佢哋新出歌《殺死我的經理人》我哋都鍾意。」保錡早前失戀，佢話：「搵另一半可以遲啲先，依家比較窮，可以搵多啲錢先，愛情需要有就要有。」
撰文：馮仁昭
長青網 - 一站式長者及護老者生活資訊網站
回應 (0)
