新聞類別
娛樂
健康
詳情#
【蘋果日報】今日是大年初二，人人都期望新一年好事齊來，《蘋果》邀請香港著名堪輿學家麥玲玲為大家指點迷津，一齊看看2019豬年運程。今年12生肖中有多顆大吉星照住屬黎明的肖馬，肖豬如苟芸慧可以添丁一喜擋三災，不過肖猴的吳若希就要小心易招口舌是非。
採訪：嵐山
【肖豬】苟芸慧 留意健康
今年犯本命年，係犯太歲一種，所謂一喜擋三災，能夠結婚、添丁、買樓就最好。今年有歲駕星，係代表皇帝出巡，事業運尚算可以；但要留心健康，因為今年有劍鋒星，代表容易金屬受傷，揸車嘅朋友要特別留神，捐血、洗牙對健康有幫助。
屬豬藝人代表：苟芸慧、黎姿、陳豪、王浩信（1947、1959、1971、1983、1995、2007、2019）
【肖鼠】岑麗香 財源滾滾
今年無沖無合，仲有吉星照住，運程相當唔錯。有太陽星同天悅貴人星，如果做生意同男士有關，如音響、服裝、模型等就財源滾滾。今年唯一差啲就有晦氣星，講嘢要小心啲。而咸池桃花星，代表有短暫桃花，鏡中花，水中月，千祈唔好太快投入感情。
屬鼠藝人代表：岑麗香、黃子華、羅仲謙、陳慧琳（1948、1960、1972、1984、1996、2008）
【肖牛】劉德華 升職加薪
上年犯太歲，今年就開心好多喇！今年有唐符星，有利打工一族，尤其做大機構，升職加薪應該冇問題。而凶星包括月煞星同豹尾星，前者係叫大家盡量唔好同女仔夾份做生意，後者代表是非口舌，唔好做中間人幫人排難解分。至於感情方面，就有少少原地踏步。
屬牛藝人代表：劉德華、張學友、陳煒、周秀娜（1949、1961、1973、1985、1997、2009）
【肖虎】陳奕迅 吉中藏凶
今年關係比較複雜，既有合太歲，但又有破太歲嘅關係，所謂合中有破，即係吉中藏凶。屬虎嘅朋友，今年有七成係唔錯，但三成就麻麻哋，做人、做事都要低調同小心啲。好在有太陰星照住，呢個係女性貴人星，年長女性對自己有幫助，屬虎嘅男仔，今年桃花運尚算唔錯，但呢個女仔好大機會大你少少，如唔介意姊弟戀，係可以展開。
屬虎藝人代表：周星馳、陳奕迅、王君馨、薛家燕（1950、1962、1974、1986、1998、2010）
【肖兔】佘詩曼 小心官非
兔仔經歷兩年犯太歲，嚟到今年終於好啲。今年有三台星，代表步步高昇，今年無論感情、財運同事業運都有向上空間。另外有將星，係領導才能嘅星，如果做開紀律部隊，如警察、消防、海關，今年可以發揮。但因為有官符星，要小心簽文件，如本身揸車嘅朋友記得奉公守法。
屬兔藝人代表：佘詩曼、湯洛雯、朱晨麗、黃德斌（1951、1963、1975、1987、1999、2011）
【肖龍】梁洛施 紅鸞星動
狗年沖太歲，無論感情、事業同財運都受到衝擊，嚟到豬年就係重新開始嘅年份。今年有吉星照住，有月德星同紅鸞星，容易有喜，但記得唔好對人太熱情。財運方面，有小耗星會有少破財，主動破吓歡喜財，做善事，又或平時唔捨得買嘅嘢，今年都買啦，咁對自己財運反而好啲。
屬龍藝人代表：梁洛施、林淑敏、朱千雪、劉青雲（1952、1964、1976、1988、2000、2012）
【肖蛇】郭富城 外出走動
12生肖中屬蛇今年變化最多，因為沖太歲。好彩有驛馬同天廚星，建議多啲走動，打工仔就爭取出差，做生意嘅朋友可以拓展海外市場。感情運方面，今年都需要一啲異地桃花，出門遇到心儀對象機會比較高。但今年有歲破星，人際關係較差；仲有大耗星，係大破財星，投資方面宜保守。
屬蛇藝人代表：郭富城、張衞健、謝安琪、楊穎（1953、1965、1977、1989、2001、2013）
【肖馬】黎明 吉星拱照
今年喺12生肖中數一數二咁好，恭喜晒！今年有好多大吉星照住，包括紫微、龍德、地解呢啲吉星，紫微同龍德係大貴人星，呢啲貴人強而有力，所以今年做嘢相當順利。比較差少少係有暴敗星，代表三更窮五更富，投資見好就收，積穀防飢亦好重要。而感情運上，今年冇乜大突破，但想識新朋友都唔難，叫長輩介紹都得。
屬馬藝人代表：黎明、張曦雯、單文柔、楊思琦（1954、1966、1978、1990、2002、2014）
【肖羊】甘比 靈感不絕
羊同豬係好朋友，當你同太歲係好朋友，做嘢自然順利啲。但今年吉星唔多，只有華蓋星，係藝術才華嘅星，如從事創作、廣告或寫劇本可以話靈感不絕。但華蓋係代表皇帝出巡時嘅天蓋，羅傘好靚，但好孤單，所以華蓋本身係不利感情，如果冇拖拍想搵伴侶，今年仍然有啲難度。另要留意凶星白虎星，小心好惡嘅女人。
屬羊藝人代表：陳凱韻（甘比）、何超蓮、陳凱琳、林盛斌（1967、1979、1991、2003、2015）
【肖猴】吳若希 易招是非
屬猴今年犯太歲，呢個叫害太歲，容易遭人陷害同犯小人。不過，呢個犯太歲輕微啲，相對本命年同相沖年，甚至比屬虎嘅朋友都係輕啲。今年仲有大吉星照住，好似天德、福星、八座、玉堂，呢類嘅星都代表幸運，所以今年都能夠逢凶化吉。當中玉堂星代表有少少偏財，唯獨要小心卷舌星，易招是非口舌，切忌做中介人，吃力不討好。
屬猴藝人代表：吳若希、容祖兒、謝霆鋒、陳冠希（1956、1968、1980、1992、2004、2016）
【肖雞】黃翠如 注意安全
經歷兩年嘅犯太歲，今年較穩定，心情同財運都好啲。今年有文昌星，顧名思義讀書考試比較叻，打工嘅朋友不妨試考升職試，機會較高。今年凶星有天狗星、弔客星，出門後遇到危險同意外機會較高，出門要特別小心唔見財物，更唔建議參加一啲危險嘅戶外活動，如攀山、攀石、跳傘、滑水，可免則免。
屬雞藝人代表：鄭嘉穎、黃翠如、范冰冰、莊端兒（1957、1969、1981、1993、2005、2017）
【肖狗】古天樂 喜事重重
上年經歷本命年，今年係重新開始嘅年份，萬事好好多。今年有天喜星，代表喜事重重，如果上年結婚，今年添丁機會高；單身嘅朋友就去多啲喜慶場所，會較容易遇到合適對象。但要小心健康，因為有病符星，好在唔係大病痛，傷風感冒特別多。另有寡宿星，會覺得身邊人唔了解自己，感情運仍有少少隱憂，但整體已經好過上年好多。
屬狗藝人代表：馮盈盈、古天樂、李佳芯、苗僑偉（1958、1970、1982、1994、2006、2018）長青網 - 一站式長者及護老者生活資訊網站
採訪：嵐山
【肖豬】苟芸慧 留意健康
今年犯本命年，係犯太歲一種，所謂一喜擋三災，能夠結婚、添丁、買樓就最好。今年有歲駕星，係代表皇帝出巡，事業運尚算可以；但要留心健康，因為今年有劍鋒星，代表容易金屬受傷，揸車嘅朋友要特別留神，捐血、洗牙對健康有幫助。
屬豬藝人代表：苟芸慧、黎姿、陳豪、王浩信（1947、1959、1971、1983、1995、2007、2019）
【肖鼠】岑麗香 財源滾滾
今年無沖無合，仲有吉星照住，運程相當唔錯。有太陽星同天悅貴人星，如果做生意同男士有關，如音響、服裝、模型等就財源滾滾。今年唯一差啲就有晦氣星，講嘢要小心啲。而咸池桃花星，代表有短暫桃花，鏡中花，水中月，千祈唔好太快投入感情。
屬鼠藝人代表：岑麗香、黃子華、羅仲謙、陳慧琳（1948、1960、1972、1984、1996、2008）
【肖牛】劉德華 升職加薪
上年犯太歲，今年就開心好多喇！今年有唐符星，有利打工一族，尤其做大機構，升職加薪應該冇問題。而凶星包括月煞星同豹尾星，前者係叫大家盡量唔好同女仔夾份做生意，後者代表是非口舌，唔好做中間人幫人排難解分。至於感情方面，就有少少原地踏步。
屬牛藝人代表：劉德華、張學友、陳煒、周秀娜（1949、1961、1973、1985、1997、2009）
【肖虎】陳奕迅 吉中藏凶
今年關係比較複雜，既有合太歲，但又有破太歲嘅關係，所謂合中有破，即係吉中藏凶。屬虎嘅朋友，今年有七成係唔錯，但三成就麻麻哋，做人、做事都要低調同小心啲。好在有太陰星照住，呢個係女性貴人星，年長女性對自己有幫助，屬虎嘅男仔，今年桃花運尚算唔錯，但呢個女仔好大機會大你少少，如唔介意姊弟戀，係可以展開。
屬虎藝人代表：周星馳、陳奕迅、王君馨、薛家燕（1950、1962、1974、1986、1998、2010）
【肖兔】佘詩曼 小心官非
兔仔經歷兩年犯太歲，嚟到今年終於好啲。今年有三台星，代表步步高昇，今年無論感情、財運同事業運都有向上空間。另外有將星，係領導才能嘅星，如果做開紀律部隊，如警察、消防、海關，今年可以發揮。但因為有官符星，要小心簽文件，如本身揸車嘅朋友記得奉公守法。
屬兔藝人代表：佘詩曼、湯洛雯、朱晨麗、黃德斌（1951、1963、1975、1987、1999、2011）
【肖龍】梁洛施 紅鸞星動
狗年沖太歲，無論感情、事業同財運都受到衝擊，嚟到豬年就係重新開始嘅年份。今年有吉星照住，有月德星同紅鸞星，容易有喜，但記得唔好對人太熱情。財運方面，有小耗星會有少破財，主動破吓歡喜財，做善事，又或平時唔捨得買嘅嘢，今年都買啦，咁對自己財運反而好啲。
屬龍藝人代表：梁洛施、林淑敏、朱千雪、劉青雲（1952、1964、1976、1988、2000、2012）
【肖蛇】郭富城 外出走動
12生肖中屬蛇今年變化最多，因為沖太歲。好彩有驛馬同天廚星，建議多啲走動，打工仔就爭取出差，做生意嘅朋友可以拓展海外市場。感情運方面，今年都需要一啲異地桃花，出門遇到心儀對象機會比較高。但今年有歲破星，人際關係較差；仲有大耗星，係大破財星，投資方面宜保守。
屬蛇藝人代表：郭富城、張衞健、謝安琪、楊穎（1953、1965、1977、1989、2001、2013）
【肖馬】黎明 吉星拱照
今年喺12生肖中數一數二咁好，恭喜晒！今年有好多大吉星照住，包括紫微、龍德、地解呢啲吉星，紫微同龍德係大貴人星，呢啲貴人強而有力，所以今年做嘢相當順利。比較差少少係有暴敗星，代表三更窮五更富，投資見好就收，積穀防飢亦好重要。而感情運上，今年冇乜大突破，但想識新朋友都唔難，叫長輩介紹都得。
屬馬藝人代表：黎明、張曦雯、單文柔、楊思琦（1954、1966、1978、1990、2002、2014）
【肖羊】甘比 靈感不絕
羊同豬係好朋友，當你同太歲係好朋友，做嘢自然順利啲。但今年吉星唔多，只有華蓋星，係藝術才華嘅星，如從事創作、廣告或寫劇本可以話靈感不絕。但華蓋係代表皇帝出巡時嘅天蓋，羅傘好靚，但好孤單，所以華蓋本身係不利感情，如果冇拖拍想搵伴侶，今年仍然有啲難度。另要留意凶星白虎星，小心好惡嘅女人。
屬羊藝人代表：陳凱韻（甘比）、何超蓮、陳凱琳、林盛斌（1967、1979、1991、2003、2015）
【肖猴】吳若希 易招是非
屬猴今年犯太歲，呢個叫害太歲，容易遭人陷害同犯小人。不過，呢個犯太歲輕微啲，相對本命年同相沖年，甚至比屬虎嘅朋友都係輕啲。今年仲有大吉星照住，好似天德、福星、八座、玉堂，呢類嘅星都代表幸運，所以今年都能夠逢凶化吉。當中玉堂星代表有少少偏財，唯獨要小心卷舌星，易招是非口舌，切忌做中介人，吃力不討好。
屬猴藝人代表：吳若希、容祖兒、謝霆鋒、陳冠希（1956、1968、1980、1992、2004、2016）
【肖雞】黃翠如 注意安全
經歷兩年嘅犯太歲，今年較穩定，心情同財運都好啲。今年有文昌星，顧名思義讀書考試比較叻，打工嘅朋友不妨試考升職試，機會較高。今年凶星有天狗星、弔客星，出門後遇到危險同意外機會較高，出門要特別小心唔見財物，更唔建議參加一啲危險嘅戶外活動，如攀山、攀石、跳傘、滑水，可免則免。
屬雞藝人代表：鄭嘉穎、黃翠如、范冰冰、莊端兒（1957、1969、1981、1993、2005、2017）
【肖狗】古天樂 喜事重重
上年經歷本命年，今年係重新開始嘅年份，萬事好好多。今年有天喜星，代表喜事重重，如果上年結婚，今年添丁機會高；單身嘅朋友就去多啲喜慶場所，會較容易遇到合適對象。但要小心健康，因為有病符星，好在唔係大病痛，傷風感冒特別多。另有寡宿星，會覺得身邊人唔了解自己，感情運仍有少少隱憂，但整體已經好過上年好多。
屬狗藝人代表：馮盈盈、古天樂、李佳芯、苗僑偉（1958、1970、1982、1994、2006、2018）長青網 - 一站式長者及護老者生活資訊網站
回應 (0)
