【姐匙Talk】火口仔公器私用扮大哥

【蘋果日報】俗語有話「唔怕生壞命，最怕改壞名」，但係就算改咗名，係咪代表真係連啲衰嘢都冇埋？似乎唔係囉！依家香港絕大部份藝人都北上賺人仔，點都會做啲嘢討吓阿爺歡心，如果唔係分分鐘乜嘢機會都冇。正所謂人各有志，每個人都可以有自己嘅生存方式，本來冇乜大不了，之不過如果本身個人已經乞人憎，行步路都睇唔順眼。好似「火口仔」咁，之前把口唔收，結果搞到俾網民狂鬧，之後佢仲唔避忌，人敬禮佢敬禮，敬到連帶同佢有關嘅代言商品，都不約而同收到好多投訴，最後搞到要潛水洗底。其實敬禮嘅又唔止佢一個，點解偏偏只係針對火口仔呢？怪就怪佢平時做人太自負，又鍾意認叻兼扮大佬，真係可以話見高拜，見低就踩，搞到個個見到佢都神憎鬼厭。
非焦點拒宣傳
消失咗一輪，火口仔最近又走番出嚟，之前喺一個記者會，躋身喺男主角嘅行列，無他嘅，咪又係公器私用，事關佢幫手搵咗幾架靚車撐活動，自然搵到位畀自己威威，前排佢又有劇出街，不過佢嫌自己唔係焦點，加上又冇乜人搵佢宣傳，結果嬲爆話唔出席任何宣傳活動，聽講唔少幕後人都對佢有微言，如果火口仔繼續用呢種方式做人，就算改幾多次名都冇用喇！
撰文：Jessie=
本欄逢周五刊登
【姐匙Talk】
我姐匙縱橫歌影視幕後，咁多年嚟冷眼旁觀，娛樂圈大小事都走唔過我雙眼，真係頂唔順要爆啦！歡迎大家嚟剝花生。長青網 - 一站式長者及護老者生活資訊網站