鄭中基囡囡歌酬一粒糖

【蘋果日報】鄭中基（Ronald）五場紅館騷，前晚圓滿結束，演出嘉賓除了女兒梓喬和爸爸鄭東漢外，還有音樂人陳少琪女兒陳明蘔及《龍咁威》電影拍檔張達明、李璨琛及導演谷德昭。鄭中基宣佈將開拍《龍咁威3》，又爆陳少琪：「有次陳少琪請食飯，餸未嚟晒，陳少琪就突然話心臟病要即刻入醫院，嗰晚餐飯最終我找數，啲醫藥費又係我畀，但啲保險就佢claim，冇畀番錢我。」父親鄭東漢台上介紹鄭家傭人謙姐及DJ Uncle Ray上台：「細個夾band認識Uncle Ray，邀請我哋上節目同表演，因為佢我同Ronald先有機會喺呢個台上。」
唔抗拒同ViuTV合作
完騷後，鄭中基受訪時表示，不明何解女兒不怯場。問到女兒收多少歌酬？他笑言：「我哋好慳家，歌酬一粒糖，佢已經好開心。」提到早前方力申和梁漢文當嘉賓時提出拍「美男廚房」，ViuTV隨即指準備好隨時合作，他笑說：「我諗佢哋搞錯咗，我哋嘅T viu B電視台喺fb有page，佢哋get錯咗我哋意思，但依然可以有合作機會。」
採訪：王連連
攝影：仇志德
長青網 - 一站式長者及護老者生活資訊網站