大肚胃口好甜鹹通殺　陳少霞食拔絲蓮子攞意頭

【蘋果日報】【爆相爆片】現年42歲嘅陳少霞目前懷有身孕，預產期約今年6月。本報讀者陳小姐日前透過嘅「爆相爆片」，分享陀B中嘅陳少霞同老公李文輝及家人、七大一細喺尖沙嘴一間平民化酒樓食飯。陳小姐日前接受訪問時話：「陳少霞當日化咗淡妝，皮膚好白同好靚，佢全程坐低，所以未見到佢個肚幾大，現場見佢同老公好好傾，老公又夾餸畀佢，陳少霞胃口唔錯，食咗好多嘢。」陳小姐仲留意到李文輝好留心聽長輩說話，佢哋點咗「拔絲蓮子」作為甜品，由侍應攞到枱上炮製。相信點呢味甜品除咗好食之外，「蓮子」仲有連生貴子嘅意頭。
跟前夫有兩女
陳少霞人生高低起跌頗大，17歲演出張艾嘉監製嘅電影《哥哥的情人》出道，之後同劉德華喺電影《天與地》中合演夫妻。24歲時嫁澳洲籍華裔商人，退出娛樂圈，婚後育有兩女。可惜婚姻維持唔夠八年。離婚後陳少霞跌入人生谷底，16年同61歲「法拉利之父」李文輝再婚。一直想有BB，可惜前年不幸經歷小產，大受打擊下夫婦接受醫生建議人工受孕，可惜都唔成功，不過去年底宣佈自然懷孕成功。
長青網 - 一站式長者及護老者生活資訊網站