新聞類別
娛樂
詳情#
【蘋果日報】古天樂昨日到銅鑼灣出席新春活動，席上負責醒獅點睛儀式，兩位小朋友更向他送上皇冠，寓意古仔在娛樂圈稱王稱霸。同時古仔又獲贈一支金咪，代表歌迷希望他在今年繼續唱歌。古仔在活動中表示在家中是長子嫡孫，所以有很多傳統習俗要由他負責，至於今年的新年願望是身體健康。
「好開心有利是逗」
受訪時，古仔直言沒有錄歌出碟的打算，而他亦要為電影開工。古仔說：「遲啲要去緬甸同西班牙一個月，拍一部動作片，拍完返嚟先再開《尋秦記》電影版。」近年受到腰患困擾，古仔訴苦說：「呢部戲都打咗一輪，遲啲喺西班牙鬧市有槍戰戲。」見古仔頸部貼上了膠布，他解釋說：「之前頸骨做咗手術，醫生叫我黐膠布半年去疤。」
未婚的古仔，自爆樂於繼續逗利是：「有返公司派利是，但亦有逗利是，好開心，咁大個人仲有利是逗，仲跟媽咪去拜年。」有沒有長輩向他催婚？古仔笑言已多年沒有被催婚：「每年都會去七、八個親戚屋企拜年，每次有十幾人，佢哋會影相，派利是又影，逗利是又影，寶麗萊又影，自拍又影，仲要簽埋名，所以一個人起碼影五張相，搞搞吓就冇時間講其他嘢。」
演藝人協會出App
此外，身為演藝人協會會長的古仔，透露將會推出演藝人協會手機應用程式，他說：「依家已經進行內部測試，下個月演藝人協會春茗再公佈，內容主要有演藝人嘅資料同專長，佢哋可以自拍片段放上去，大家亦可以留言畀藝人，而電影公司、廣告公司可以喺app搵適合嘅藝人做嘢，有一個互動化。」
採訪：黃曉妍
攝影：沈健程
長青網 - 一站式長者及護老者生活資訊網站
「好開心有利是逗」
受訪時，古仔直言沒有錄歌出碟的打算，而他亦要為電影開工。古仔說：「遲啲要去緬甸同西班牙一個月，拍一部動作片，拍完返嚟先再開《尋秦記》電影版。」近年受到腰患困擾，古仔訴苦說：「呢部戲都打咗一輪，遲啲喺西班牙鬧市有槍戰戲。」見古仔頸部貼上了膠布，他解釋說：「之前頸骨做咗手術，醫生叫我黐膠布半年去疤。」
未婚的古仔，自爆樂於繼續逗利是：「有返公司派利是，但亦有逗利是，好開心，咁大個人仲有利是逗，仲跟媽咪去拜年。」有沒有長輩向他催婚？古仔笑言已多年沒有被催婚：「每年都會去七、八個親戚屋企拜年，每次有十幾人，佢哋會影相，派利是又影，逗利是又影，寶麗萊又影，自拍又影，仲要簽埋名，所以一個人起碼影五張相，搞搞吓就冇時間講其他嘢。」
演藝人協會出App
此外，身為演藝人協會會長的古仔，透露將會推出演藝人協會手機應用程式，他說：「依家已經進行內部測試，下個月演藝人協會春茗再公佈，內容主要有演藝人嘅資料同專長，佢哋可以自拍片段放上去，大家亦可以留言畀藝人，而電影公司、廣告公司可以喺app搵適合嘅藝人做嘢，有一個互動化。」
採訪：黃曉妍
攝影：沈健程
長青網 - 一站式長者及護老者生活資訊網站
回應 (0)
