新聞類別
娛樂
詳情#
【蘋果日報】蓋世寶在無綫浮沉23年，決定本月底約滿後離開，難怪她心灰意冷，2015年由兒童節目一姐調去劇組變「大茄」後，年年減薪，令她覺得「睇唔到前路」，在戲劇組撈唔掂，她歸咎「唔夠假」。去年被賞識做《一周八爪魚》主持，以為出現曙光，豈料製作組被解散，再次變無主孤魂，她眼紅紅說︰「啱啱儲到感情……」。
蓋世寶是不少人的童年回憶，17歲在無綫電視藝員進修班畢業，即加入兒童節目《閃電傳真機》，之後為《至Net小人類》、《放學ICU》擔任主持，無風無浪，度過18個寒暑。直至2015年，無綫兒童節目進行大革新，舊人全部冇得留低，現年39歲的蓋世寶亦由兒童節目一姐變成戲劇組「大茄」，雖說早有心理準備，但一次又一次無情的別離，令她很心痛。
譚玉瑛被調難受
第一次是2014年，譚玉瑛被調離兒童節目組，蓋世寶每次提起都激動爆喊︰「我一直有心理準備要調離兒童組，好清楚所有嘢有ending，反而冇諗過係譚玉瑛，我癲咗，係好激動，好唔開心。冇事嘛，早走過我？我有少少接受唔到。」
被調到戲劇組後，蓋世寶拍劇機會不多，不過去年獲TVBI高層姜生賞識，做《一周八爪魚》主持，可惜做了九個月，製作組被連根拔起，她回到公司化妝間才「被通知」，她眼紅紅說︰「我last day嗰日，受訪者（翟威廉）都到咗，喺化妝間突然話冇咗，咁化妝師問我仲化唔化，唔化啦！我份人比較慢熱，儲到少少感情就散，連姜生都走埋。」
這些年來，蓋世寶都有機會離開兒童節目組，但不少人都提醒她「drama唔適合你」，她解釋︰「因為唔夠假，或者唔好用假，應該話係你太有性格，好快就撈唔掂，做drama要好識做人，我唔夠。」她直認多年來也試過得罪人，問是否傳聞中的譚玉瑛？她哈哈大笑說︰「真係冇，大家都當佢大家姐，佢好鍾意教人，有乜嘢我哋都會煩佢。其實佢算係我分享得最多嘅對象，因為大過我信得過。」
即Cut車Cut保險
蓋世寶在單親家庭中長大，二十多歲便買樓，但至今未供滿，為免媽媽擔心，離巢一事她暫未告知︰「諗住當面至同佢講，我係孻女，有兩個家姐同細佬，剩番我未結婚。今次離開乜plan都冇，但我平時好慳，離開兒童組後，即刻cut咗架車同份保險，屋企連寬頻都冇。」她坦言自從入了戲劇組後，每年都減薪，生活費都不夠︰「公司1月2日打畀我傾約，但依家成績唔理想，公司就咁咁咁，我都好快決定，因為我睇唔到前路，好似拍拖咁，冇將來不如算！」
撰文：嵐山
攝影：林德雄
長青網 - 一站式長者及護老者生活資訊網站
蓋世寶是不少人的童年回憶，17歲在無綫電視藝員進修班畢業，即加入兒童節目《閃電傳真機》，之後為《至Net小人類》、《放學ICU》擔任主持，無風無浪，度過18個寒暑。直至2015年，無綫兒童節目進行大革新，舊人全部冇得留低，現年39歲的蓋世寶亦由兒童節目一姐變成戲劇組「大茄」，雖說早有心理準備，但一次又一次無情的別離，令她很心痛。
譚玉瑛被調難受
第一次是2014年，譚玉瑛被調離兒童節目組，蓋世寶每次提起都激動爆喊︰「我一直有心理準備要調離兒童組，好清楚所有嘢有ending，反而冇諗過係譚玉瑛，我癲咗，係好激動，好唔開心。冇事嘛，早走過我？我有少少接受唔到。」
被調到戲劇組後，蓋世寶拍劇機會不多，不過去年獲TVBI高層姜生賞識，做《一周八爪魚》主持，可惜做了九個月，製作組被連根拔起，她回到公司化妝間才「被通知」，她眼紅紅說︰「我last day嗰日，受訪者（翟威廉）都到咗，喺化妝間突然話冇咗，咁化妝師問我仲化唔化，唔化啦！我份人比較慢熱，儲到少少感情就散，連姜生都走埋。」
這些年來，蓋世寶都有機會離開兒童節目組，但不少人都提醒她「drama唔適合你」，她解釋︰「因為唔夠假，或者唔好用假，應該話係你太有性格，好快就撈唔掂，做drama要好識做人，我唔夠。」她直認多年來也試過得罪人，問是否傳聞中的譚玉瑛？她哈哈大笑說︰「真係冇，大家都當佢大家姐，佢好鍾意教人，有乜嘢我哋都會煩佢。其實佢算係我分享得最多嘅對象，因為大過我信得過。」
即Cut車Cut保險
蓋世寶在單親家庭中長大，二十多歲便買樓，但至今未供滿，為免媽媽擔心，離巢一事她暫未告知︰「諗住當面至同佢講，我係孻女，有兩個家姐同細佬，剩番我未結婚。今次離開乜plan都冇，但我平時好慳，離開兒童組後，即刻cut咗架車同份保險，屋企連寬頻都冇。」她坦言自從入了戲劇組後，每年都減薪，生活費都不夠︰「公司1月2日打畀我傾約，但依家成績唔理想，公司就咁咁咁，我都好快決定，因為我睇唔到前路，好似拍拖咁，冇將來不如算！」
撰文：嵐山
攝影：林德雄
長青網 - 一站式長者及護老者生活資訊網站
回應 (0)
