新聞類別
娛樂
詳情#
【蘋果日報】現年97歲的賭王何鴻燊上周五傳出在養和醫院深切治療部留醫，連日來各房家人先後到醫院探望，昨日情人節，三房千金何超蓮在銅鑼灣出席情人節派朱古力慈善活動，問到超蓮情人節可有約會男生？她即指約了義工，她謂會預留朱古力送給父親。
留院一段時間
問到超蓮賭王現在的身體狀況，超蓮說：「其實真係OK，見我夠膽去佛山開會就知。」她又否認賭王在深切治療部，提到有風水師自稱曾為賭王種生基，並稱近來又有賭王家屬找他為賭王點續命燈，超蓮澄清：「我覺得非常之唔尊重，第一種生基係假嘅，第二續命燈係假嘅，我覺得呢位師傅應該要有職業操守，客人畀咗錢佢做法事，係應該要保密，何況都冇搵過佢，佢利用呢樣嘢宣傳自己，爸爸年紀大好忌諱，新年流流話佢病危已經唔老利，講到種生基係好唔尊重，好唔開心。」
家人有否為賭王祈福？超蓮說：「爸爸身體一直好穩定，身體狀態OK，媽咪平時都有拜神，求神庇佑就冇，我哋唔係太相信。」賭王何時可以出院？她說：「冬天唔好郁嚟郁去，出面好多菌，又怕凍親，通常身體檢查完後都會有一段時間留喺醫院，會乾淨啲，會留喺度休養。」超蓮剛被委任做佛山政協，她更自爆跟李小龍有親戚關係：「佢係我表叔，即係爹哋嘅表弟。」
三太心情輕鬆
昨午約2時，三太陳婉珍到醫院接更，回家食飯後再折返醫院，衣不解帶照顧賭王。三太可有向賭王講情人節快樂？她說：「有。」還有錫賭王一啖或講甜言蜜語嗎？本來準備上車的三太說：「老夫老妻啦！」二房何超瓊則於昨午3時到達醫院，未有發言直入電梯，她逗留約45分鐘後離開，她也展現微笑，並上車離開。
採訪、攝影：馬建華、羅慧敏、卓寶花、陳俊強
長青網 - 一站式長者及護老者生活資訊網站
留院一段時間
問到超蓮賭王現在的身體狀況，超蓮說：「其實真係OK，見我夠膽去佛山開會就知。」她又否認賭王在深切治療部，提到有風水師自稱曾為賭王種生基，並稱近來又有賭王家屬找他為賭王點續命燈，超蓮澄清：「我覺得非常之唔尊重，第一種生基係假嘅，第二續命燈係假嘅，我覺得呢位師傅應該要有職業操守，客人畀咗錢佢做法事，係應該要保密，何況都冇搵過佢，佢利用呢樣嘢宣傳自己，爸爸年紀大好忌諱，新年流流話佢病危已經唔老利，講到種生基係好唔尊重，好唔開心。」
家人有否為賭王祈福？超蓮說：「爸爸身體一直好穩定，身體狀態OK，媽咪平時都有拜神，求神庇佑就冇，我哋唔係太相信。」賭王何時可以出院？她說：「冬天唔好郁嚟郁去，出面好多菌，又怕凍親，通常身體檢查完後都會有一段時間留喺醫院，會乾淨啲，會留喺度休養。」超蓮剛被委任做佛山政協，她更自爆跟李小龍有親戚關係：「佢係我表叔，即係爹哋嘅表弟。」
三太心情輕鬆
昨午約2時，三太陳婉珍到醫院接更，回家食飯後再折返醫院，衣不解帶照顧賭王。三太可有向賭王講情人節快樂？她說：「有。」還有錫賭王一啖或講甜言蜜語嗎？本來準備上車的三太說：「老夫老妻啦！」二房何超瓊則於昨午3時到達醫院，未有發言直入電梯，她逗留約45分鐘後離開，她也展現微笑，並上車離開。
採訪、攝影：馬建華、羅慧敏、卓寶花、陳俊強
長青網 - 一站式長者及護老者生活資訊網站
回應 (0)
