新聞類別
娛樂
詳情#
【蘋果日報】【娛樂人物】蔡瀚億（BabyJohn）在2013年憑《狂舞派》柒良一舉成名，近年轉戰電視，新劇目前正在熱播中，可惜因老闆蕭定一與電視台有官司糾紛，令他未能現身宣傳，不過BabyJohn坦言因為鄭則仕（Kent）的關係，令他的演戲生涯突然間出現一道清泉，珍惜這份得來不易的機會。
今次與影帝級前輩鄭則仕在新劇中有不少對手戲，蔡瀚億日前於旺角接受訪問，坦言獲益良多，他說：「Kent哥改造咗我演戲嘅既定諗法，佢幫我拆漽咗，重建一個更好嘅演戲方法，我自己都好緊張好期待，初時拆漽我好驚，每次返到酒店會再諗，我應該點做，好似我一個月前收到劇本，我準備好晒點做，但去到佢話畀我聽唔使咁諗，全部準備嘅諗法變晒，吓！得唔得㗎我。
「第一日開工我就開始跟，諗都唔諗，唔懷疑做咗先，之後就知點解，原來慢慢改自己嘅壞習慣，慶幸自己唔係反叛嘅人，如果懷疑前輩講嘅嘢唔跟，可能已經損失咗。」
第一次被鬧
對於鄭則仕的批判會否動搖或不開心？BabyJohn說：「動搖一開始有少少，不過動搖時間好短，好快話畀自己聽去跟，總有佢嘅原因。唔開心係有，有時佢真係會鬧，鬧咪學囉，到之後大家唔再鬧，因為捉到默契，之後就當佢係老師。」他不諱言今次是入行後第一次被前輩鬧：「讀表演嘅時候會有畀老師鬧，但出嚟做嘢，有邊個會對你嘅演出有真心評論，客觀分析，好少甚至冇，突然間出現一道清泉，我好珍惜。適應咗之後大家會夾，開始去傾，大家喺同一路軌。」
撰文：張俊銘
攝影：陳俊強
場地提供：女人街食飯公司
長青網 - 一站式長者及護老者生活資訊網站
今次與影帝級前輩鄭則仕在新劇中有不少對手戲，蔡瀚億日前於旺角接受訪問，坦言獲益良多，他說：「Kent哥改造咗我演戲嘅既定諗法，佢幫我拆漽咗，重建一個更好嘅演戲方法，我自己都好緊張好期待，初時拆漽我好驚，每次返到酒店會再諗，我應該點做，好似我一個月前收到劇本，我準備好晒點做，但去到佢話畀我聽唔使咁諗，全部準備嘅諗法變晒，吓！得唔得㗎我。
「第一日開工我就開始跟，諗都唔諗，唔懷疑做咗先，之後就知點解，原來慢慢改自己嘅壞習慣，慶幸自己唔係反叛嘅人，如果懷疑前輩講嘅嘢唔跟，可能已經損失咗。」
第一次被鬧
對於鄭則仕的批判會否動搖或不開心？BabyJohn說：「動搖一開始有少少，不過動搖時間好短，好快話畀自己聽去跟，總有佢嘅原因。唔開心係有，有時佢真係會鬧，鬧咪學囉，到之後大家唔再鬧，因為捉到默契，之後就當佢係老師。」他不諱言今次是入行後第一次被前輩鬧：「讀表演嘅時候會有畀老師鬧，但出嚟做嘢，有邊個會對你嘅演出有真心評論，客觀分析，好少甚至冇，突然間出現一道清泉，我好珍惜。適應咗之後大家會夾，開始去傾，大家喺同一路軌。」
撰文：張俊銘
攝影：陳俊強
場地提供：女人街食飯公司
長青網 - 一站式長者及護老者生活資訊網站
回應 (0)
