新聞類別
娛樂
詳情#
【蘋果日報】吳岱融今年8月60歲，想不到演技了得外，連體魄也不比後生仔遜色。早前他與太太鍾淑慧到馬來西亞工作，其間參觀沉香莊園，與莊主交流養生之道，大家一時興起比試擘一字馬，結果他不費吹灰之力，相當擘得，可媲美現年58歲的荷李活動作影星尚格雲頓（Jean-Claude Van Damme）於2013年為一個汽車品牌拍貨車廣告時，上演的一字馬絕技。
一定要熱身
談到老公吳岱融擘力驚人，鍾淑慧接受本報訪問時說：「佢同莊主切磋吓箒，莊主好熱愛拉筋修煉，但我老公都唔弱，佢有跳舞底子，又有瑜伽功夫底，佢得閒就會拉吓啲筋骨。」笑問夫婦二人可有一起擘一字馬切磋？她笑說：「我唔識呢啲嘢呀，因為我平時好少運動，我係硬蹦蹦嗰啲嚟，不過佢識都對我有好處，我之前好少運動，所以筋骨好差，成日扯住好痛，有時佢都會教我拉筋，撳吓又扯吓我，喺健康方面反而幫到我囉！」
原來吳岱融練得一身功夫，全因當兵時誤打誤撞加入文工團，當時有教芭蕾舞而學識一字馬，問到有否擔心弄傷「小岱融」？吳岱融笑說：「一字馬要熱身㗎！要小心拉親啲筋，否則好大鑊，所以要就住，熱身之後慢慢拉係冇事，對身體好好，大家試吓吖。」
拍MV流血
進軍樂壇的吳岱融，昨日在大馬沙灘拍攝新歌MV，今次認真落足本，找來著名排舞師Sunny Wong編排舞蹈，當地的氣溫高達36度，他要和十多位舞蹈員在沙灘跳舞，難怪他說：「天氣又熱，我都未試過跳咁多舞，攞命，盡人事啦。」拍攝期間他意外受傷流血，要即時暫停拍攝止血，鍾淑慧心痛地說：「佢不停咁重複重複跳，NG咗4、5次，撻落地時佢肉緊得滯，隻手鋤咗落地，依家成忽肉冇咗。」
採訪：魯吉
長青網 - 一站式長者及護老者生活資訊網站
一定要熱身
談到老公吳岱融擘力驚人，鍾淑慧接受本報訪問時說：「佢同莊主切磋吓箒，莊主好熱愛拉筋修煉，但我老公都唔弱，佢有跳舞底子，又有瑜伽功夫底，佢得閒就會拉吓啲筋骨。」笑問夫婦二人可有一起擘一字馬切磋？她笑說：「我唔識呢啲嘢呀，因為我平時好少運動，我係硬蹦蹦嗰啲嚟，不過佢識都對我有好處，我之前好少運動，所以筋骨好差，成日扯住好痛，有時佢都會教我拉筋，撳吓又扯吓我，喺健康方面反而幫到我囉！」
原來吳岱融練得一身功夫，全因當兵時誤打誤撞加入文工團，當時有教芭蕾舞而學識一字馬，問到有否擔心弄傷「小岱融」？吳岱融笑說：「一字馬要熱身㗎！要小心拉親啲筋，否則好大鑊，所以要就住，熱身之後慢慢拉係冇事，對身體好好，大家試吓吖。」
拍MV流血
進軍樂壇的吳岱融，昨日在大馬沙灘拍攝新歌MV，今次認真落足本，找來著名排舞師Sunny Wong編排舞蹈，當地的氣溫高達36度，他要和十多位舞蹈員在沙灘跳舞，難怪他說：「天氣又熱，我都未試過跳咁多舞，攞命，盡人事啦。」拍攝期間他意外受傷流血，要即時暫停拍攝止血，鍾淑慧心痛地說：「佢不停咁重複重複跳，NG咗4、5次，撻落地時佢肉緊得滯，隻手鋤咗落地，依家成忽肉冇咗。」
採訪：魯吉
長青網 - 一站式長者及護老者生活資訊網站
回應 (0)
