鍾嘉欣暫時封肚忙湊B

【蘋果日報】鍾嘉欣婚後育有一對子女，並定居加拿大，因要照顧家庭關係，現時工作範疇只能賺外快形式，她日前趁農曆新年前專程返港拍奶粉廣告，她明言會暫時封肚：「同老公商量過，六、七年後先諗，一仔一女已經好幸福，唔可以貪心，依家完全冇自己時間，好多時一路煮飯切菜，一路腳踢住BB搖籃，隻手乜都做，係super woman。」
嘉欣坦言沒有拍劇計劃：「好攰，又要餵奶，呢三年有20個月係陀B，24個月要餵人奶湊B，冇時間諗事業，小朋友由零至4歲好重要，所以時間許可先會工作。」她表示之前曾想過家庭事業兩者兼顧，但之後發現很難實現，衡量過後還是以家庭為主。
採訪：卓寶花
攝影：陳俊強
長青網 - 一站式長者及護老者生活資訊網站