城城學冧囡囡唔呷醋

【蘋果日報】郭富城與傅嘉莉等昨日到亞博出席「香港馬術大師賽」，曾帶女兒Chantelle到馬場的城城說：「佢會叫馬馬，好得意、好可愛。平時我哋會視像，見到電話會叫『爸爸，Hello』，好冧㗎！」提到12月在港舉行演唱會，是否為遷就太太方媛預產期？他指日子仍未落實：「快㗎喇！快㗎喇！第日BB出世，朋友話要送份禮物畀大姐姐，等佢唔好呷醋，自己都學習中。」
提到早前城城被影到與太太拍拖行街，他說：「老土啲講，每日都係情人節，太太依家有BB，我更加要拖實啲啦。」此外，學了三年多騎馬的傅嘉莉，夢想有日能跳欄：「我老師好嚴，依家都係學到快跑，仲要雙手放開韁繩。」
採訪：盧妹
攝影：林賓尼
長青網 - 一站式長者及護老者生活資訊網站