新聞類別
娛樂
詳情#
【蘋果日報】現年31歲、有「翻版林峯」之稱的鄒文正，以創作歌手入行，外形俊朗花弗的他，現實卻是宅男，在娛圈浮沉八年以來，緋聞近乎零。單親家庭長大的他，小時候曾心靈受創，戀愛時又試過被分手，難怪對感情謹慎，絕不輕易言愛。
撰文：祖李
攝影：林德雄
鄒文正生於演藝之家，父親是band友，母親是內地DJ，自小就跟爸爸到酒吧表演，耳濡目染下，對音樂有團火。他說：「父母都好鍾意音樂，成日喺屋企播歌，我讀幼稚園嗰陣，媽咪夜晚要返電台錄節目，老竇怕我一個人留喺屋企，去酒吧表演都帶埋我，佢喺台上表演，我就坐喺台下等，老竇收工我已瞓着，佢就孭我返屋企，第二朝我話攰，佢會由得我唔返學。」
危機感重
小學時父母離異，但鄒文正對婚姻仍有憧憬：「父母嘅事令我有陰影，我都好驚分開，但未至太悲觀，反而經常警醒自己，危機感重，會更珍惜關係。我拍拖唔多，初戀發生喺小學，嗰陣好純情，喺學校寫吓信、約會吓，最後女朋友向我提分手。嘗試挽留但不果，可能係畢業後少見，大家淡咗。」
鄒文正覺得完整家庭要有子女，希望與伴侶有共同的人生目標：「由細到大都渴望成家立室，細細個已經諗將來同自己小朋友一齊夾band，但依家好多女仔都唔鍾意生育。我家庭觀念重，認為要有下一代，但回歸現實唔可以強求，其實搵個溝通到已經好難。」
值得借鏡
在最近的賀歲片《如珠如寶》中，鄒文正不但是王菀之的暗戀對象，更有機會與多位前輩合作，鄒文正說：「我好敬佩泰迪羅賓，佢冇乜表情動作，一句好簡單嘅對白，佢平淡咁講出嚟，都帶動到好多情緒，好值得我借鏡。喜劇最難做，內心要好多層次至得，好似師兄張繼聰咁樣，佢拍喜劇時都加咗好多自己嘅思想，去展示佢嘅獨特個人風格。」
場地提供：丸十壽司日本食堂
長青網 - 一站式長者及護老者生活資訊網站
撰文：祖李
攝影：林德雄
鄒文正生於演藝之家，父親是band友，母親是內地DJ，自小就跟爸爸到酒吧表演，耳濡目染下，對音樂有團火。他說：「父母都好鍾意音樂，成日喺屋企播歌，我讀幼稚園嗰陣，媽咪夜晚要返電台錄節目，老竇怕我一個人留喺屋企，去酒吧表演都帶埋我，佢喺台上表演，我就坐喺台下等，老竇收工我已瞓着，佢就孭我返屋企，第二朝我話攰，佢會由得我唔返學。」
危機感重
小學時父母離異，但鄒文正對婚姻仍有憧憬：「父母嘅事令我有陰影，我都好驚分開，但未至太悲觀，反而經常警醒自己，危機感重，會更珍惜關係。我拍拖唔多，初戀發生喺小學，嗰陣好純情，喺學校寫吓信、約會吓，最後女朋友向我提分手。嘗試挽留但不果，可能係畢業後少見，大家淡咗。」
鄒文正覺得完整家庭要有子女，希望與伴侶有共同的人生目標：「由細到大都渴望成家立室，細細個已經諗將來同自己小朋友一齊夾band，但依家好多女仔都唔鍾意生育。我家庭觀念重，認為要有下一代，但回歸現實唔可以強求，其實搵個溝通到已經好難。」
值得借鏡
在最近的賀歲片《如珠如寶》中，鄒文正不但是王菀之的暗戀對象，更有機會與多位前輩合作，鄒文正說：「我好敬佩泰迪羅賓，佢冇乜表情動作，一句好簡單嘅對白，佢平淡咁講出嚟，都帶動到好多情緒，好值得我借鏡。喜劇最難做，內心要好多層次至得，好似師兄張繼聰咁樣，佢拍喜劇時都加咗好多自己嘅思想，去展示佢嘅獨特個人風格。」
場地提供：丸十壽司日本食堂
長青網 - 一站式長者及護老者生活資訊網站
回應 (0)
