蔡李惠莉收花多得秘書

【蘋果日報】保良局主席蔡李惠莉、賭王二房千金何超鳳和四房大仔何猷亨昨日在銅鑼灣出席保良局董事會新春團拜，即將卸任主席的蔡太笑言感覺開心又輕鬆，還透露大女加敏將加入保良，接棒為慈善出力。昨日元宵節，蔡太謂工作排得密麻麻，但晚上會孖老公、玩具大王蔡志明一同出席宴會，她說：「其實西方情人節慶祝咗，一落樓就收到花，拍拖都冇送花，依家佢一定送，因為秘書實記得。」她又爆老公每天在家等她收工：「佢日日計數，以前就我喺屋企等佢，依家係佢等我，計住我仲要忙幾耐，不過一路以嚟佢都好支持我。」
陳細潔昨午於西貢北潭涌出席另一個保良局活動，透露新年到意大利滑雪，但購物時卻不幸被偷近5萬港元，只好怪自己太專注購物，防範意識低，當是一次教訓。
採訪：羅慧敏
攝影：林賓尼
長青網 - 一站式長者及護老者生活資訊網站