周家怡孖四眼男密密斟

【蘋果日報】現年39歲的周家怡入行逾20年鮮有緋聞，只曾被傳與動作演員林國斌暗交七年，但男方早有拍拖多年的圈外女友。日前《蘋果》在天后見到周家怡的私家車停泊在路邊，但負責揸車的不是她，而是一名中年四眼男士。周家怡落車後走到司機位旁，與四眼男一齊踎低傾偈，二人傾了大約15分鐘，家怡之後坐上司機位，而四眼男就隔住車窗與家怡繼續再傾，還用毛巾幫手抹乾淨車身和倒後鏡。
《蘋果》致電問周家怡是否有新戀情？她解釋四眼男是她初戀男友的朋友：「絕對唔係，因為識咗好多年喇，朋友。咁佢職業係做汽車美容，佢啱啱幫我拎架車去整，整完之後畀番我。」她稱至今仍是單身，問到最近有甚麼工作？周家怡說：「開緊劇，但未能透露呀，香港會睇到嘅。」
採訪、攝影：嵐山、徐錦池、吳耀輝
長青網 - 一站式長者及護老者生活資訊網站