新聞類別
娛樂
詳情#
【蘋果日報】
許廷鏗於09年參加歌唱比賽入行，今年就係佢入行十周年，今個月仲會喺紅館舉行演唱會。入行多年，許廷鏗好少同異性傳緋聞，相反經常傳佢「斷背」，同胡鴻鈞亦曾經傳緋聞，但佢哋一笑置之，胡鴻鈞仲講笑話佢哋出雙入對好多年。近日讀者楊先生向《蘋果》爆料，話許廷鏗最近頻頻約人喺銅鑼灣希雲街密會。
現身希雲街
楊先生話好友透露有朋友同許廷鏗秘密來往，除咗農曆新年到訪許廷鏗位於大圍寓所，由凌晨3點到第二日朝早9點幾都單獨相處，之後再相約去銅鑼灣希雲街見面，同樣過咗一晚先離開。楊先生話一班朋友本來都有懷疑，但今個月真係見到許廷鏗喺希雲街出現，然後走上一座唐樓，友人仲將「福利圖」發送畀朋友，有許廷鏗赤裸上身對鏡自拍照。
馮仁昭噚日透過唱片公司聯絡許廷鏗，想問佢有冇去過希雲街？係咪約咗女仔？以及對私人自拍照流出有冇唔開心？但許廷鏗透過唱片公司回覆：「不回應了！」
撰文：馮仁昭
資料來源：蘋果日報2018年12月24日
長青網 - 一站式長者及護老者生活資訊網站
回應 (0)
