阿嬌：阿Sa冇必要結婚

【蘋果日報】鍾欣潼（阿嬌）前晚於尖沙嘴出席活動，她做了人妻後身形圓潤了，更被取笑「幸福肥」，她說︰「比之前肥咗，自從結咗婚之後都冇keep到，今日開始減肥，會食少啲。」問到老公賴弘國是否鍾意她有肉地？阿嬌笑說：「我成日同佢講我要減肥，佢就會叫我唔好聽人哋講，仲話我都唔肥，佢係好鍾意食嘢嘅人，會叫好多嘢食。反而好多朋友都忍唔住message畀我，話我肥得過份。」
談到昨日白色情人節，阿嬌表示沒有特別和老公慶祝。對於有傳好姊妹蔡卓妍（阿Sa）與男友石恆聰結婚，阿嬌就表示不相信：「你最好問番佢本人，不過我唔信，佢依家個狀態咁開心，冇必要結婚，況且佢之前都講過，又唔係未結過婚，可能唔係太需要呢啲嘢。」
採訪：王連連
攝影：沈健程
長青網 - 一站式長者及護老者生活資訊網站