新聞類別
娛樂
詳情#
【蘋果日報】現年34歲的沈卓盈和從事內衣生意的老公Calvin，前日公開在英國和法國的婚紗相後，即被《蘋果》踢爆她早於上月已在泰國布吉秘婚，升呢做「杜太」。新婚人妻沈卓盈昨日在樂富出席活動，一身運動裝的她春風滿臉，左手無名指更戴上婚戒。
擺酒未定
沈卓盈昨日受訪時否認閃婚，她說：「只想趁白色情人節先同大家分享呢個好消息，帶個驚喜畀大家，2月16號喺布吉完成婚禮，成個儀式都喺當地舉行。」沈卓盈自爆婚禮上做「喊包」：「由行禮音樂奏起，媽咪拖我進場，已經好緊張，老公比我早喊，到我讀結婚誓詞時，我都忍唔住。」布吉婚禮只請了一對新人的至親，姊妹團包括有陳自瑤、何傲兒、何傲芝、黃芳雯及髮型師好友等。
沈卓盈透露婚禮有接新娘環節，一班姊妹整蠱兄弟，她說：「準備咗有蟲嘅茶，最初佢哋唔肯飲，最後都屈服，順利過關。」老公Calvin除向老婆講愛的宣言，更大送驚喜，沈卓盈說：「最感動係佢為我彈琴，彈咗一首《小幸運》，本身佢唔識彈琴，但專登去學，之前約佢食飯都話唔得閒，原來秘密練兵，成晚望住佢嘅表演，真係好冧。」婚禮上又有放煙花和放天燈。
至於還會在港擺酒嗎？沈卓盈說：「未決定，暫時想唞吓先，放一個假，亦未度蜜月。」她又否認雙喜臨門：「見我咁fit、咁健康就知唔係，我個人比較傳統。」「少婦聯盟」龔嘉欣、陳凱琳及譚凱琪均沒有做姊妹，問沈卓盈好友是否知道婚事，她說：「其實得屋企人同兄弟姊妹知，事後同佢哋再慶祝，相信佢哋都明白，身邊好多親友都未知，趁今日一次過交代。」
執走鋼條
此外，沈卓盈其中一張在英國倫敦大笨鐘（Big Ben）前影的結婚相，有眼利網民質疑大笨鐘在17年起進行維修，沈卓盈直認有執相：「婚紗相舊年年尾影，去到大笨鐘的確係圍咗鋼條，攝影師好心機幫我哋執相，執咗出嚟效果好滿意。」
採訪：卓寶花
攝影：陳慧安
長青網 - 一站式長者及護老者生活資訊網站
擺酒未定
沈卓盈昨日受訪時否認閃婚，她說：「只想趁白色情人節先同大家分享呢個好消息，帶個驚喜畀大家，2月16號喺布吉完成婚禮，成個儀式都喺當地舉行。」沈卓盈自爆婚禮上做「喊包」：「由行禮音樂奏起，媽咪拖我進場，已經好緊張，老公比我早喊，到我讀結婚誓詞時，我都忍唔住。」布吉婚禮只請了一對新人的至親，姊妹團包括有陳自瑤、何傲兒、何傲芝、黃芳雯及髮型師好友等。
沈卓盈透露婚禮有接新娘環節，一班姊妹整蠱兄弟，她說：「準備咗有蟲嘅茶，最初佢哋唔肯飲，最後都屈服，順利過關。」老公Calvin除向老婆講愛的宣言，更大送驚喜，沈卓盈說：「最感動係佢為我彈琴，彈咗一首《小幸運》，本身佢唔識彈琴，但專登去學，之前約佢食飯都話唔得閒，原來秘密練兵，成晚望住佢嘅表演，真係好冧。」婚禮上又有放煙花和放天燈。
至於還會在港擺酒嗎？沈卓盈說：「未決定，暫時想唞吓先，放一個假，亦未度蜜月。」她又否認雙喜臨門：「見我咁fit、咁健康就知唔係，我個人比較傳統。」「少婦聯盟」龔嘉欣、陳凱琳及譚凱琪均沒有做姊妹，問沈卓盈好友是否知道婚事，她說：「其實得屋企人同兄弟姊妹知，事後同佢哋再慶祝，相信佢哋都明白，身邊好多親友都未知，趁今日一次過交代。」
執走鋼條
此外，沈卓盈其中一張在英國倫敦大笨鐘（Big Ben）前影的結婚相，有眼利網民質疑大笨鐘在17年起進行維修，沈卓盈直認有執相：「婚紗相舊年年尾影，去到大笨鐘的確係圍咗鋼條，攝影師好心機幫我哋執相，執咗出嚟效果好滿意。」
採訪：卓寶花
攝影：陳慧安
長青網 - 一站式長者及護老者生活資訊網站
回應 (0)
