為婚後準備阿Sa雪卵自己打針嗌驚

【蘋果日報】蔡卓妍（阿Sa）昨日與周勵淇（Niki）和張智霖到香港仔出席放水燈活動，阿Sa與「百億麻將館太子爺」石恆聰拍拖兩年，近日盛傳她於明年年底與男友結婚，阿Sa否認：「冇咁嘅事，我唔急結婚，係其他人急，日日都催，真係吹脹。」有指阿Sa獲得電影女主角獎項即嫁石恆聰，她無奈說：「結婚同獎項唔係自己控制到，所以唔好諗。」
怕肥腫難分
36歲的阿Sa自言未準備好生小朋友，但自爆已效法好姊妹容祖兒和鍾欣潼雪卵，為婚後生B做準備，她說：「已經食咗補給品幾個月，食完先可以做，之後要持續十日打荷爾蒙針，打完會肥，要肯定自己唔出嚟見人先得，要做大量運動，所以依家日日都做gym。」何時去雪卵？阿Sa說：「未有時間去做呢件事，真係要閉關，我係肥底，驚到時肥腫難分。」
向母親徵詢
雪卵獲男友石恆聰同意嗎？阿Sa說：「佢OK。」但阿Sa表示第一時間是詢問母親意見：「第一個係問媽咪，只要媽咪OK，任何人講乜我都會去做，因為我係來自我媽咪。」但她原來怕打針：「最擔心係要自己打針，自己打，嚇死人咩，所以要好得閒先得，到時會日日搵醫生打針。」阿Sa又表示身邊好多朋友都有雪卵：「好普遍，香港未結婚可以做，但生小朋友就一定要結婚先。」
同場的周勵淇則謂婚前婚後分別不大，張智霖提到與太太袁詠儀（靚靚）在內地真人騷《妻子的浪漫旅行》演出，靚靚淚灑人前，張智霖解釋靚靚只是一時感觸：「其實佢唔太鍾意同我去旅行，佢覺得我比較hea，佛系旅行。」
採訪：卓寶花
攝影：陳慧安
長青網 - 一站式長者及護老者生活資訊網站