關之琳新年瘋狂食要減磅

【蘋果日報】關之琳（之之）、徐子淇、莫文蔚、甄子丹夫婦、何超蓮及韓國女團少女時代成員孝淵等，昨晚在尖沙嘴出席時裝雜誌創刊典禮，徐子淇穿上露腰裝，大晒小蠻腰。關之琳與陳栢熹姍姍來遲，穿上黑色貼身衫的之之身形明顯變得豐滿，上圍非常突出。問到有否做手腳，之之笑說︰「冇！因為過年後不停食，加上朋友飯局又多，都係時候減！我平時都忍口，但聖誕就想食朱古力，新年就想食年糕、蘿蔔糕，停唔到口。」問到是否有拖拍心廣體胖？她就否認︰「就係因為冇，先至攞食嚟發洩，依家都希望減番5磅。」
剛從英國返港的莫文蔚，要再飛各地做巡迴演唱，她說︰「唞夠喇！下個禮拜去天津巡唱，之後就會去歐洲同東南亞地區，一共十幾場，要唱到12月底。香港都會做，但場地難搵。本來想戶外搞，但限制好多，依家未諗掂，因為十幾年冇喺香港開，都好恨，但會係較尾場次。」
莫文蔚老公詐型
問到巡唱足足年半，老公有否詐型，莫文蔚說︰「都詐詐哋，但佢明白我工作性質，冇理由唱唱吓飛返英國陪佢，所以之前過年補番數，日對夜對。佢成日都叫我唔好做，但我覺得坐喺屋企真係冇意思。」問到會考慮造人，她就耍手擰頭︰「算啦，但就計劃咗下年會放一年假陪佢，但因為跑巡迴已經周圍去，所以暫時唔想去旅行住，想hea啲。」
採訪︰羅慧敏
攝影︰沈健程
長青網 - 一站式長者及護老者生活資訊網站