生存到係大命

【蘋果日報】丁子高最愛深夜睡覺時講心事，千嬅謂兩人枕邊語成為良好溝通，過往面對經理人從未如此坦白，自知予人感覺唔嘢小，坦率性格未必人人接受，「由我開始管理自己人生時候，開始學去傾嘢，我好鍾意講嘢，唔代表我識傾，但丁生就好識，佢話我過去二十幾年娛樂圈都係大命，佢解我聽啲人有時會點睇我，我話其實唔係咁諗，佢話我做藝人應該要八面玲瓏，我嗰種講嘢叻唔係應用，但就自覺好叻，其實專壞事，害自己多過食飯，所以嚟拯救我。」
無知經歷
千嬅像小女人般接受老公批評，但聽完難免「不舒服」，之後專登上網自我回顧，重溫多年訪問和得獎感受：「原來啲字都拮拮哋，但我只係出於感性，冇諗過坐喺台下啲人個個接收唔一樣，係自己一個年少無知經歷，好開心中年時有個拯救隊出現，等我可以好好糾正自己，覺得個仔性格好似我，外殼係我老公。」
長青網 - 一站式長者及護老者生活資訊網站