新聞類別
娛樂
詳情#
【蘋果日報】
現年42歲嘅「香蕉仔」鄧一君，96年喺電影圈轉投無綫，嗰陣佢同古天樂先後合作拍過唔少劇集，但係講到最深印象，就係佢哋喺《烈火雄心》飾演兄弟，古仔喺劇中悉心照顧智障嘅細佬「寶寶」鄧一君，就係咁，佢哋戲裏戲外就成為咗好兄弟。
近日一君決心做老闆，今年初喺油麻地開咗一間車仔麵檔，嗰陣有唔少人問過佢，會唔會邀請好友古仔試菜，佢就話等生意穩定啲先再決定，點知古仔主動致電恭喜老友，仲話忙完手頭上嘅工作先去試菜。古仔果然言出必行，前日一君就喺facebook上載咗同古仔喺麵檔門口嘅合照，兩兄弟重逢。呢張相都好快喺網上瘋傳，網民大讚古仔有情有義，估唔到佢份人咁念舊！
坐舖頭避哄動
一君噚日透過助手回覆《蘋果》，佢話：「古天樂好趕，嚟到食過魚蛋、燒賣，佢話魚蛋好食，燒賣有進步空間。前後逗留10分鐘就走，安排咗佢坐舖內，避免引起哄動。」雖然一君喺05年轉行做保險，但都冇影響同古仔嘅感情，據聞古仔當年仲係佢第一個大客，不過一君為免影響友情，當然唔想多講，只係話同古仔keep住有聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」
撰文：馮仁昭
長青網 - 一站式長者及護老者生活資訊網站
現年42歲嘅「香蕉仔」鄧一君，96年喺電影圈轉投無綫，嗰陣佢同古天樂先後合作拍過唔少劇集，但係講到最深印象，就係佢哋喺《烈火雄心》飾演兄弟，古仔喺劇中悉心照顧智障嘅細佬「寶寶」鄧一君，就係咁，佢哋戲裏戲外就成為咗好兄弟。
近日一君決心做老闆，今年初喺油麻地開咗一間車仔麵檔，嗰陣有唔少人問過佢，會唔會邀請好友古仔試菜，佢就話等生意穩定啲先再決定，點知古仔主動致電恭喜老友，仲話忙完手頭上嘅工作先去試菜。古仔果然言出必行，前日一君就喺facebook上載咗同古仔喺麵檔門口嘅合照，兩兄弟重逢。呢張相都好快喺網上瘋傳，網民大讚古仔有情有義，估唔到佢份人咁念舊！
坐舖頭避哄動
一君噚日透過助手回覆《蘋果》，佢話：「古天樂好趕，嚟到食過魚蛋、燒賣，佢話魚蛋好食，燒賣有進步空間。前後逗留10分鐘就走，安排咗佢坐舖內，避免引起哄動。」雖然一君喺05年轉行做保險，但都冇影響同古仔嘅感情，據聞古仔當年仲係佢第一個大客，不過一君為免影響友情，當然唔想多講，只係話同古仔keep住有聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」
撰文：馮仁昭
長青網 - 一站式長者及護老者生活資訊網站
回應 (0)
