新聞類別
娛樂
詳情#
【蘋果日報】方伊琪入行45年，雖然多年來零緋聞、零宣傳，但由唱歌到拍劇，工作不多也不少，自言三餐溫飽有個舒服的「竇」已經足夠，不介意做廁所歌星。和音樂家謝永康結婚41年，她承認婚姻曾因為股災輸掉80多萬元有過衝擊，但錢財身外物，認為最緊要開心。
方伊琪早前在北角接受《蘋果》訪問，現年61歲的她自認雖然入行45年，但並不適合這個圈，因為她是個喜歡收埋自己的人，所以她入行幾年已選擇結婚，然後長駐夜總會唱歌，她說：「以前做長駐嘅時候，曾經有人稱呼我做小酒吧歌星、廁所歌星，因為以前唱嗰間夜總會係冇後台，我一唱完歌就匿去廁所等第二次出場，有人話『有冇搞錯，出面大把老細，同啲朋友應酬、傾吓偈有利是收，又有靚車坐，乜你唔恨咩？』我就話冇，真係唔恨喎！」她又指結婚前試過有人送鑽石錶，但沒有收下。
難忘鄧麗君同台
提到同期藝人很多發展都比她好，方伊琪自言沒有妒忌，反而替別人開心，她說：「做人最緊要係樂天知命，食幾多、着幾多係整定，你個肚食得幾多？瞓又瞓得幾多？咪又係嗰幾呎床？周身名牌，我反而覺得係負累，好辛苦。」
當年唱酒吧發生不少難忘事，方伊琪說：「最記得兩件事，以前我唱半夜12點半嘅騷，因為怕人飲醉酒鬧事，所以唔會唱遲。有次我唱緊歌，突然有一個蠟燭台掟上嚟，嗰陣着住長裙，好彩冇掟中，如果唔係燒着條裙，之後先知原來係一個飲醉酒嘅客人掟上台，呢件事最唔開心。」她又說：「第二件係開心事，有次去馬來西亞登台兩個禮拜，第二個禮拜同鄧麗君同台，真係開心到不得了！嗰陣我唱半個鐘，之後到鄧小姐唱，我一口氣唱咗六首鄧小姐嘅歌，咁嘅年紀仲有人叫唱歌，好開心。」
夫婦磨合同忍讓
結婚逾40年，談到夫妻間相處之道，方伊琪認為磨合和忍讓最重要，她說：「拍拖一定畀最好一面大家睇，結婚後好多嘢都要忍讓，好似佢要忍我嘅脾氣，我要忍佢嘅唔整齊，大家性格唔同，又喺唔同嘅地方成長，一定會有唔同諗法同性格，所以走埋一齊係要磨合同忍讓。有人問過我哋有冇鬧過交，我老公話冇，只係俾人鬧，但係佢又覺得鬧得啱，因為有啲嘢係做錯咗。」不過，方伊琪坦言家庭曾出現衝擊，因87年老公買股票遇上股災，一晚蒸發80多萬大半身家，她說：「奶奶問我點解唔鬧老公，我覺得冇咗可以再搵，錢財身外物，百年歸老都帶唔走。」
撰文：何慧斯
攝影：仇志德
場地提供：新光戲院
長青網 - 一站式長者及護老者生活資訊網站
方伊琪早前在北角接受《蘋果》訪問，現年61歲的她自認雖然入行45年，但並不適合這個圈，因為她是個喜歡收埋自己的人，所以她入行幾年已選擇結婚，然後長駐夜總會唱歌，她說：「以前做長駐嘅時候，曾經有人稱呼我做小酒吧歌星、廁所歌星，因為以前唱嗰間夜總會係冇後台，我一唱完歌就匿去廁所等第二次出場，有人話『有冇搞錯，出面大把老細，同啲朋友應酬、傾吓偈有利是收，又有靚車坐，乜你唔恨咩？』我就話冇，真係唔恨喎！」她又指結婚前試過有人送鑽石錶，但沒有收下。
難忘鄧麗君同台
提到同期藝人很多發展都比她好，方伊琪自言沒有妒忌，反而替別人開心，她說：「做人最緊要係樂天知命，食幾多、着幾多係整定，你個肚食得幾多？瞓又瞓得幾多？咪又係嗰幾呎床？周身名牌，我反而覺得係負累，好辛苦。」
當年唱酒吧發生不少難忘事，方伊琪說：「最記得兩件事，以前我唱半夜12點半嘅騷，因為怕人飲醉酒鬧事，所以唔會唱遲。有次我唱緊歌，突然有一個蠟燭台掟上嚟，嗰陣着住長裙，好彩冇掟中，如果唔係燒着條裙，之後先知原來係一個飲醉酒嘅客人掟上台，呢件事最唔開心。」她又說：「第二件係開心事，有次去馬來西亞登台兩個禮拜，第二個禮拜同鄧麗君同台，真係開心到不得了！嗰陣我唱半個鐘，之後到鄧小姐唱，我一口氣唱咗六首鄧小姐嘅歌，咁嘅年紀仲有人叫唱歌，好開心。」
夫婦磨合同忍讓
結婚逾40年，談到夫妻間相處之道，方伊琪認為磨合和忍讓最重要，她說：「拍拖一定畀最好一面大家睇，結婚後好多嘢都要忍讓，好似佢要忍我嘅脾氣，我要忍佢嘅唔整齊，大家性格唔同，又喺唔同嘅地方成長，一定會有唔同諗法同性格，所以走埋一齊係要磨合同忍讓。有人問過我哋有冇鬧過交，我老公話冇，只係俾人鬧，但係佢又覺得鬧得啱，因為有啲嘢係做錯咗。」不過，方伊琪坦言家庭曾出現衝擊，因87年老公買股票遇上股災，一晚蒸發80多萬大半身家，她說：「奶奶問我點解唔鬧老公，我覺得冇咗可以再搵，錢財身外物，百年歸老都帶唔走。」
撰文：何慧斯
攝影：仇志德
場地提供：新光戲院
長青網 - 一站式長者及護老者生活資訊網站
回應 (0)
