演藝人協會成立慈善基金 古仔製作App推介新人

【蘋果日報】古天樂、鄭秀文、成龍、劉德華、容祖兒、陳凱韻（甘比）、陳瀅和曾志偉等昨晚在尖沙嘴出席香港演藝人協會慈善有限公司舉行的慈善晚宴，久未在港露面的成龍身為董事，在佈景板前與志偉及余安安合照後便入場，大會表明他不會接受傳媒訪問，未知是否怕提及女兒吳卓林與同性太太Andi近月在港顛沛流離的新聞有關。
關注前輩
古仔以演藝人協會會長身份，與秘書長余安安接受訪問，透露該會取得慈善機構牌照，成為政府認可的慈善基金，他表示晚會以「傳承」為主題：「意思係將演藝圈所有前輩嘅經驗同演藝心得，可以傳承畀下一代。早前製作咗好多訪問片，去訪談一啲前輩，包括毛姐毛舜筠，同佢哋去做一啲好深入嘅訪問，希望佢哋嘅經驗可以傳承畀下一代。因為早幾年有唔少前輩都有病唔舒服，希望可以喚起大家嘅關注，幫到佢哋更多。」
古仔表示會設計一個由演藝人協會製作的手機App，推介新人：「入面有得畀啲新人做自我介紹，畀啲題目佢哋，令各位電影公司老闆或製作公司可以去搵一啲合適嘅人選。」
問到活動的籌款數字，古仔表示數字「好可觀」：「唔想太focus落數字度講，個基金啱啱成立時係有數喺度，但再加埋今晚籌到嘅善款，成個數目就好可觀，搞一個晚會都已經好辛苦，大家支持我已經好感動，希望可以幫到人啦！」
祖兒派飛
容祖兒和草蜢擔任表演嘉賓，草蜢更會和MIRROR一起跳森巴舞。對於有傳8月的演唱會是蔡一傑讓檔期給她，祖兒說：「傑仔錫我就全行都知，我會畀飛佢，任佢揀邊行都得。」
此外，高可寧以露肩及露膊性感晚裝現身，她表示：「因為前一日先確定嚟，所以就跟唔切大會嘅未來科技主題。」她還未加入演藝人協會，對於古仔表示會製作手機App推介新人，她表示：「係就真係好，一定要問入會手續，同將呢個消息同TVB朋友講。」
採訪：曹家誠
攝影：仇志德
長青網 - 一站式長者及護老者生活資訊網站