楚原拋古文：編劇寫乜我講乜

【蘋果日報】著名導演楚原參與的第一部電視劇就是《卡拉屋企》，他日前接受《蘋果》訪問說：「梁家樹搵到我，我覺得都可以，咪試吓做。」楚原叔在劇中不時會拋幾句古文，他直言：「我好少講，編劇寫乜我咪講乜囉。」提到早前聚會，楚原叔說：「啱啱鎮宇得閒、導演得閒，咪大家食一餐。」劇中拍檔盧宛茵將於8月舉行首次演唱會，問到楚原叔會否撐場？他笑說：「風燭殘年，仲搞我啲老嘢做乜吖。」
《卡拉屋企》監製梁家樹提到當年邀請楚原叔演出：「我哋想搵啲新嘅元素、新面孔，我同佢又好熟，以前我成日同佢打麻雀好熟，佢個人好好玩，好玩到你唔信。當年我拍處境喜劇，搵啲演員要有新鮮感，同有喜劇天份嘅人，楚原叔係一個好好玩嘅人，好適合佢做。」那為甚麼不找楚原太太南紅演白頭佬太太？他說︰「兩公婆一齊做戲好煩，嗰時吳鎮宇同李婉華一齊，好煩㗎，有時自己嗌交會影響拍攝情緒。」為何叫《卡拉屋企》？梁家樹說：「象徵一班人好親密一齊玩、一齊唱歌，好有和諧氣氛，嗰時有啲人屋企有卡拉OK㗎嘛。」
長青網 - 一站式長者及護老者生活資訊網站