李佳芯無綫做茄喱啡

【蘋果日報】馬國明和李佳芯昨日在銅鑼灣出席宣傳活動。馬國明近日開拍新劇，因天雨關係估計推遲到下月中才煞科，女友黃心穎則最近完工，撇甩男友和朋友出埠，馬國明說：「佢同朋友去玩，5月有工作去巴塞隆拿 ，我完全攝唔到時間去，如果係劇組會殺咗我。」
李佳芯前晚參與演藝人協會慈善晚宴時，向古天樂集郵，她說：「可能到我已好尾聲，佢已經high high哋。」古天樂指演藝人協會將推出手機程式介紹新人，李佳芯笑指：「咁似交友網，好喎，歡迎直接搵我哋。」她透露未加入無綫前亦拍過電影做茄喱啡：「第一次拍電影時得19歲，角色名叫Ivy，飾演秘書，但冇對白，最初入到無綫都係做茄喱啡。」
採訪：卓寶花
攝影：陳慧安
長青網 - 一站式長者及護老者生活資訊網站