新聞類別
娛樂
詳情#
【蘋果日報】組合農夫成員陸永及C君昨日孖鄭裕玲（嘟姐）到鰂魚涌出席保險公司活動，大會播出早前拍攝的廣告片，嘟姐在廣告中爆出一句：「我退休，你哋點算？」受訪時，陸永笑言對嘟姐爆肚向來都招架不住，嘟姐即說：「你哋有事，我都招架唔住。」陸永笑說：「你可以用權威閘住我哋，你有權威之餘，仲有智慧。」C君續說：「我哋當時都有思考，係喎，咁我哋點算呢？」但嘟姐向他們大派定心丸說：「暫時未退住。」
等收26萬人情
片中，陸永和C君有女裝扮相，陸永笑指頂不順C君穿女裝，嘟姐更皺眉指好肉酸。問C君未婚妻可有看過其女裝扮相？他笑說：「我男裝造型都嚇親啦，佢應該視力有問題。」陸永則說：「係視障兼大膽。」談到C君於年底結婚，嘟姐向C君說：「如果冇嘢做咪嚟囉，我可唔可以早走？放低人情，影張相就走，同埋唔好玩一對新人。」C君搞笑說：「你放低人情，唔影相都得，啲相可以發番畀你，同埋玩舊人囉，阿爸阿媽外父外母。」
此外，農夫前晚在西九文化區與MIRROR和MastaMic等擔任音樂會表演嘉賓時，C君表示得到麥玲玲師傅幫忙，解決婚禮不少問題，陸永更說：「之前玲玲姐同我講，試過飲一場喜酒畀咗26萬人情。」C君笑言：「擺過酒都可以再擺，問佢係咪真係畀咁多，到時收到人情，直情可以去買樓。」
MIRROR執生叻
前晚不少樂迷到現場捧MIRROR場，農夫卻謂沒擔心被比下去，表示一向沒有比拼的心，陸永更笑言：「點解要諗呢啲？希望MIRROR啲fans到時叫埋我哋就好喇，大會安排MIRROR壓軸好妥當，農夫表演時fans仲未離場。」MIRROR第一次齊人12位成員在戶外表演，他們說：「天氣唔係咁好，曾經落雨，fans都有提我哋個台會好跣，最初擔心活動可能會取消，不過執生技巧我哋最叻，fans都最鍾意睇我哋呢啲位。」
採訪：王連連、黃曉妍
攝影：林賓尼
長青網 - 一站式長者及護老者生活資訊網站
等收26萬人情
片中，陸永和C君有女裝扮相，陸永笑指頂不順C君穿女裝，嘟姐更皺眉指好肉酸。問C君未婚妻可有看過其女裝扮相？他笑說：「我男裝造型都嚇親啦，佢應該視力有問題。」陸永則說：「係視障兼大膽。」談到C君於年底結婚，嘟姐向C君說：「如果冇嘢做咪嚟囉，我可唔可以早走？放低人情，影張相就走，同埋唔好玩一對新人。」C君搞笑說：「你放低人情，唔影相都得，啲相可以發番畀你，同埋玩舊人囉，阿爸阿媽外父外母。」
此外，農夫前晚在西九文化區與MIRROR和MastaMic等擔任音樂會表演嘉賓時，C君表示得到麥玲玲師傅幫忙，解決婚禮不少問題，陸永更說：「之前玲玲姐同我講，試過飲一場喜酒畀咗26萬人情。」C君笑言：「擺過酒都可以再擺，問佢係咪真係畀咁多，到時收到人情，直情可以去買樓。」
MIRROR執生叻
前晚不少樂迷到現場捧MIRROR場，農夫卻謂沒擔心被比下去，表示一向沒有比拼的心，陸永更笑言：「點解要諗呢啲？希望MIRROR啲fans到時叫埋我哋就好喇，大會安排MIRROR壓軸好妥當，農夫表演時fans仲未離場。」MIRROR第一次齊人12位成員在戶外表演，他們說：「天氣唔係咁好，曾經落雨，fans都有提我哋個台會好跣，最初擔心活動可能會取消，不過執生技巧我哋最叻，fans都最鍾意睇我哋呢啲位。」
採訪：王連連、黃曉妍
攝影：林賓尼
長青網 - 一站式長者及護老者生活資訊網站
回應 (0)
