新聞類別
娛樂
詳情#
【蘋果日報】
哥哥張國榮2003年4月1號喺香港文華東方酒店同fans訣別，轉眼十六年喜愛佢嘅「哥迷」，未有因時間流逝而忘記哥哥。一如以往，哥哥嘅同性密友唐鶴德（唐唐）噚日喺網上貼出一張同哥哥歐遊嘅合照，仲借用《風繼續吹》歌詞寄意，緬懷過去同哥哥嘅快樂時光：「過去多少快樂記憶，何妨與你一起去追。」
花牌多有心思
噚日喺酒店門外，有唔少來自世界各地嘅哥迷聚集，酒店一如往年，闢出旁邊行人路畀哥迷獻花，來自中、港、日、韓、馬來西亞及澳洲等地嘅花牌擺滿行人路兩旁。下午4點後，人流越來越多，在場義工不斷呼籲哥迷影相後繼續行，以免阻塞通道。唔少花牌嘅設計都頗有心思，有米半高嘅音符、巨型月亮配上Q版哥哥公仔加繼續寵愛字樣花牌，以及多不勝數嘅花束。今年嘅哥迷情緒較以往平靜，未見有任何傷感場面。
相隔一條馬路對面嘅郵政總局對出空地，舉行「張國榮的時空．錦囊：2019紀念活動」，現場設有流動展覽車同歌曲播放環節，展覽車展出哥哥生平資料同報道，又播出佢喺英、日、韓同埋首次喺紅館演出片段，吸引唔少人排隊上車參觀。露天舞台大屏幕亦都不斷播放哥哥生前MV同電影片段，約有半百哥迷坐喺地下欣賞。
街唱歌手獻唱
有別於過往，哥迷喺下午6點43分喺怡和大廈旁公園舉行默哀儀式，今年移師愛丁堡廣場舉行，有超過400位哥迷參與，大會準備近百盞蠟燭燈，喺歌聲襯托下畀大家緬懷哥哥。晚上8時舉行「張國榮的時空．錦囊：2019紀念晚會」，聚集約800位哥迷有秩序地坐喺地上欣賞片段，大會又向觀眾派發星形閃燈棒，兼邀請譚偉權、街唱歌手Judas Law同Nikki Wong獻唱哥哥生前嘅作品。
撰文：馮仁昭
長青網 - 一站式長者及護老者生活資訊網站
哥哥張國榮2003年4月1號喺香港文華東方酒店同fans訣別，轉眼十六年喜愛佢嘅「哥迷」，未有因時間流逝而忘記哥哥。一如以往，哥哥嘅同性密友唐鶴德（唐唐）噚日喺網上貼出一張同哥哥歐遊嘅合照，仲借用《風繼續吹》歌詞寄意，緬懷過去同哥哥嘅快樂時光：「過去多少快樂記憶，何妨與你一起去追。」
花牌多有心思
噚日喺酒店門外，有唔少來自世界各地嘅哥迷聚集，酒店一如往年，闢出旁邊行人路畀哥迷獻花，來自中、港、日、韓、馬來西亞及澳洲等地嘅花牌擺滿行人路兩旁。下午4點後，人流越來越多，在場義工不斷呼籲哥迷影相後繼續行，以免阻塞通道。唔少花牌嘅設計都頗有心思，有米半高嘅音符、巨型月亮配上Q版哥哥公仔加繼續寵愛字樣花牌，以及多不勝數嘅花束。今年嘅哥迷情緒較以往平靜，未見有任何傷感場面。
相隔一條馬路對面嘅郵政總局對出空地，舉行「張國榮的時空．錦囊：2019紀念活動」，現場設有流動展覽車同歌曲播放環節，展覽車展出哥哥生平資料同報道，又播出佢喺英、日、韓同埋首次喺紅館演出片段，吸引唔少人排隊上車參觀。露天舞台大屏幕亦都不斷播放哥哥生前MV同電影片段，約有半百哥迷坐喺地下欣賞。
街唱歌手獻唱
有別於過往，哥迷喺下午6點43分喺怡和大廈旁公園舉行默哀儀式，今年移師愛丁堡廣場舉行，有超過400位哥迷參與，大會準備近百盞蠟燭燈，喺歌聲襯托下畀大家緬懷哥哥。晚上8時舉行「張國榮的時空．錦囊：2019紀念晚會」，聚集約800位哥迷有秩序地坐喺地上欣賞片段，大會又向觀眾派發星形閃燈棒，兼邀請譚偉權、街唱歌手Judas Law同Nikki Wong獻唱哥哥生前嘅作品。
撰文：馮仁昭
長青網 - 一站式長者及護老者生活資訊網站
回應 (0)
