新聞類別
娛樂
詳情#
【蘋果日報】
林峯早前宣佈幫無綫唱歌兼拍劇，因而惹嚟佢簽約星夢嘅傳言。日前佢喺灣仔接受訪問時為事件澄清，話今次回巢純粹係為《使徒行者3》開工，自己係古天樂旗下經理人公司嘅藝人，同公司仲有宣萱同佘詩曼。
林峯提到《使徒行者》係離開無綫前最後一個角色，佢話：「好多謝大家鍾意，一個角色有機會再去演，我係覺得劇本或者角色仲有發掘嘅地方，我聽過故事大綱，我覺得係可以合作嘅項目，所以好開心有機會再同TVB合作。」提起工作就講到停唔到口，但一提到女友張馨月就收口，佢話：「我講咗以後唔講感情，總之呢啲嘢順其自然，人生階段嘅嘢……總之多謝大家關心，我真係唔分享喇。」
番薯當美食
下個月舉行個人巡迴演唱會撞正電影版《尋秦記》開工，林峯話已經預咗冇啖好食。上次表演跳到爆褲，今次要睇服裝師點設計，佢話：「其實練下身容易過練上身，我指練腳呀，因為上身好難收。」目前正在拍攝現場搵緊健身室，到時教練可能要跟場訓練：「因為拍攝地方都比較偏遠，可能會帶埋教練去，同埋喺附近搵緊健身室，其實點樣訓練都冇所謂，最慘係冇啖好食。」經理人公司知道林峯為食，所以訪問當日特備一籃番薯做禮物，林峯笑言呢籃番薯已經係美食。而佢最想嘅就係可以喺自己家鄉廈門開演唱會，如果搵到「我最喜愛的男歌手」兼老闆古仔一齊合唱，成件事就非常美滿。
撰文：馮仁昭
長青網 - 一站式長者及護老者生活資訊網站
林峯早前宣佈幫無綫唱歌兼拍劇，因而惹嚟佢簽約星夢嘅傳言。日前佢喺灣仔接受訪問時為事件澄清，話今次回巢純粹係為《使徒行者3》開工，自己係古天樂旗下經理人公司嘅藝人，同公司仲有宣萱同佘詩曼。
林峯提到《使徒行者》係離開無綫前最後一個角色，佢話：「好多謝大家鍾意，一個角色有機會再去演，我係覺得劇本或者角色仲有發掘嘅地方，我聽過故事大綱，我覺得係可以合作嘅項目，所以好開心有機會再同TVB合作。」提起工作就講到停唔到口，但一提到女友張馨月就收口，佢話：「我講咗以後唔講感情，總之呢啲嘢順其自然，人生階段嘅嘢……總之多謝大家關心，我真係唔分享喇。」
番薯當美食
下個月舉行個人巡迴演唱會撞正電影版《尋秦記》開工，林峯話已經預咗冇啖好食。上次表演跳到爆褲，今次要睇服裝師點設計，佢話：「其實練下身容易過練上身，我指練腳呀，因為上身好難收。」目前正在拍攝現場搵緊健身室，到時教練可能要跟場訓練：「因為拍攝地方都比較偏遠，可能會帶埋教練去，同埋喺附近搵緊健身室，其實點樣訓練都冇所謂，最慘係冇啖好食。」經理人公司知道林峯為食，所以訪問當日特備一籃番薯做禮物，林峯笑言呢籃番薯已經係美食。而佢最想嘅就係可以喺自己家鄉廈門開演唱會，如果搵到「我最喜愛的男歌手」兼老闆古仔一齊合唱，成件事就非常美滿。
撰文：馮仁昭
長青網 - 一站式長者及護老者生活資訊網站
回應 (0)
