【蘋果日報】由《蘋果日報》慈善基金舉辦的「與癌友同路」慈善高球賽，昨日在清水灣鄉村俱樂部舉行，由唐文龍擔任開球嘉賓，不少社交名人及藝人組隊一較高下，當中包括鄧梓峰、林韋辰、楊如芯、陳綺明、區瑞強、甄志強、梁佩瑚及老公郭雲飛、林敏驄及李思雅等。
相關新聞：林敏驄比賽靠黐
見靚女教練安心
型男唐文龍與壹傳媒集團非執行董事葉一堅齊主持開球禮，唐文龍開球前自爆心情緊張，但其實他動作利落：「我打得好渣，練golf練咗好多年，斷斷續續打咗六、七年，一年打得幾次，每次打得三日，所以冇乜進步，為咗慈善所以試一試，但我又好驚，好擔心打呢一球打得唔好，開球唔準，最後有惡補。」唐文龍笑言幸得靚女教練Lillian陪同兼打氣，令他如吃了「定心丸」，不但沒有壓力，反而更安心，他希望籌多些善款去幫助癌症病患者。
眾參賽者開球前在草地熱身，同時互相集郵，梁佩瑚老公郭雲飛主動邀唐文龍合照，梁佩瑚笑言：「老公要型男唔要我，文龍叫我老公做『老公』，因為上次文龍去內地拍嘢，我哋去探班，我仲介紹老公佢識，自此文龍就暱稱佢『老公』。」梁佩瑚去年在高球賽中獲亞軍，她自爆平日跟老公練習時，誰輸就要罰錢：「幾錢一個窿，通常賺啲波錢，先記賬後月結，夫妻之間唔好成日現金來往，上年華哥（任達華）話讓我幾多球，最後都係冇，大家都係公平打，技術上我都有番咁上下。」在旁的郭雲飛踢爆太太贏錢買新手袋。
出書講婚前生活
此外，梁佩瑚透露今年再出新書：「本來想寫幸福生活，不過編輯話因為我結咗婚，我啲讀者係少女群，佢哋唔想睇你結咗婚之後嘅嘢，你要幻想以前拍拖嘅嘢，未嫁之前嘅嘢。」她指老公愛旅遊：「我哋已經不停四圍去，有時想留喺屋企，唔想飛嚟飛去，反而老公成日未夠一個月就想旅行。」最後，由王馨平與葉一堅負責做頒獎嘉賓，今年參賽藝人雖未有入三甲，但區瑞強、林韋辰和甄志強則取得「挑戰職業球手賽」的特別獎。
採訪：陳杰
攝影：葉君海
新聞類別
娛樂
詳情#
回應 (0)
