超蓮爆猷啟女1歲　「細個都幾似我」

【蘋果日報】賭王三房索千金何超蓮昨日在銅鑼灣，為她開辦的台灣牛肉麵店主持一周年慶祝活動，初為人父的弟弟猷啟忙完工作，趕來撐場。超蓮提到做姑媽好開心，並稱呼姪女Tittania為TT，她爆TT已滿1歲，中文名沒有跟族譜，不過留待弟弟自己公佈，她笑言替他保密很久：「影到都唔會隱瞞，我哋都一直希望低調，希望姪女可以喺安靜環境長大，佢好可愛，白雪雪、鼻高眼大、手長腳長，我爸媽都高，細佬同我都係孖生，為何我會矮啲？細路一直大變緊，姪女細個都幾似我，依家又好似唔太似。」
撐媽咪婆媳關係OK
超蓮提到媽媽因要照顧爸爸，加上氣管敏感身體較弱，故不會全職照顧孫女，記者問到有傳三太提到抱孫就黑面，她解釋：「唔會！呢啲開心事，媽咪係真性情嘅人，佢心入邊係開心，不過於鏡頭前唔會表現得好開心，比較嚴肅，佢同弟婦相處OK，大家都有一齊食飯，想低調所以冇post出嚟。」
問到她早前在巴黎出席活動與《斷背山》男星積嘉倫賀（Jake Gyllenhaal）合照，她表示開心遇上男神：「一入場就遇到男神，仲傾咗幾句，影相時仲扶住我條腰！呢個喺我嘅艷遇。其實我擇偶條件係有上進、有事業心嘅男子。」
超蓮透露同場遇到奧斯卡影帝雷米馬利克（Rami Malek），亦有向他集郵，問到她希望與荷李活巨星合作嗎？她表示：「自己已算喺踏足娛樂圈，有任何幕前演出邀請，覺得合適也會考慮嘗試。」
採訪：羅慧敏、陳慧安