新聞類別
娛樂
詳情#
【蘋果日報】佘詩曼、黃宗澤及吳卓羲等前晚在尖沙嘴出席網絡平台頒獎禮，阿佘獲頒年度實力演員。阿佘表示因為劇集《延禧攻略》，令她增加百萬網上fans：「估唔到威力咁大。」問到以後出post會否更加小心，她說：「不嬲都諗清楚先post，始終有好多fans，希望對佢哋有好嘅影響。」阿佘又指出post是看心情、時間︰「有啲感受想同大家分享，之前都試過送相、小禮物派福利。」
黃宗澤吳卓羲合唱
如果阿佘的fans人數衝破2千萬，會否像惠英紅一樣放三點式相？她笑說：「考慮吓啦，小紅姐身材梗係正啦！」她透露無綫有斟她回巢拍《使徒行者3》，但就不到檔期︰「因為4月尾要拍內地劇，預計要拍五個月，仲要去內蒙古兼騎馬。上次整親條腰，依家有陰影，雖然有替身，但都想盡量自己做。」
黃宗澤除了奪得網絡界人氣電視劇男主角，也和吳卓羲一起奪得人氣電視劇拍檔。講到吳卓羲再返樂壇，黃宗澤說：「等佢先，遲啲整首合唱歌，嚟緊4月中會同佢開工，希望年尾有機會再做。」提到有網民指樂壇欠他一個交代，黃宗澤笑稱：「欠我一個膠袋箒，想借古天樂一句話：『我好鍾意唱歌，但我唔識唱歌。』聽到我即刻袋錢落袋。要聽唱功一定係容祖兒，我呢啲玩玩吓。」
採訪︰馬建華、盧妹
攝影：陳俊強
長青網 - 一站式長者及護老者生活資訊網站
黃宗澤吳卓羲合唱
如果阿佘的fans人數衝破2千萬，會否像惠英紅一樣放三點式相？她笑說：「考慮吓啦，小紅姐身材梗係正啦！」她透露無綫有斟她回巢拍《使徒行者3》，但就不到檔期︰「因為4月尾要拍內地劇，預計要拍五個月，仲要去內蒙古兼騎馬。上次整親條腰，依家有陰影，雖然有替身，但都想盡量自己做。」
黃宗澤除了奪得網絡界人氣電視劇男主角，也和吳卓羲一起奪得人氣電視劇拍檔。講到吳卓羲再返樂壇，黃宗澤說：「等佢先，遲啲整首合唱歌，嚟緊4月中會同佢開工，希望年尾有機會再做。」提到有網民指樂壇欠他一個交代，黃宗澤笑稱：「欠我一個膠袋箒，想借古天樂一句話：『我好鍾意唱歌，但我唔識唱歌。』聽到我即刻袋錢落袋。要聽唱功一定係容祖兒，我呢啲玩玩吓。」
採訪︰馬建華、盧妹
攝影：陳俊強
長青網 - 一站式長者及護老者生活資訊網站
回應 (0)
