新聞類別
娛樂
詳情#
【蘋果日報】現年63歲的區瑞強，入行超過40年，作為本地資深歌手及一代民謠宗師，除了歌曲「襟聽」外，連外貌亦相當「襟老」，對於這個「不老之謎」，區瑞強坦言足夠睡眠也有助凍齡，心境亦都很重要：「我EQ好高，我乜都會let go，我唔高興都唔會即刻反枱，任何嘢我都唔會上心。」
撰文：比華利
攝影：林德雄
區瑞強日前在尖沙嘴接受《蘋果》專訪，對於「不老之謎」，他大方分享秘訣：「我讀書時乜嘢運動都玩，打波、游水、划艇，乜都識，練到一身好本領。我以前讀寄宿學校，早午晚食飯都會飲豆奶，我諗係少年嗰陣個底打得好。」他續說：「我都冇乜養生之道，『登六』咗都未察覺要養生，直到早排咳咗好耐，我先留意吓飲食。我向來唔太食煎炸嘢，我覺得養生之道，係視乎每個人體質、成長環境同生活模式，啱我未必啱你，專家同營養師講嘅亦唔可以照單全收。我自己就好鍾意食廣東菜，而且從來唔揀飲擇食，就算啲人話食『鹹魚』唔健康，又唔係餐餐食，只要自己身體run得暢順，我覺得食乜嘢都唔係大問題。」
瞓得少易老
多年來都保持30吋腰圍的區瑞強，自爆有不吃午餐的習慣：「我嘅運動量大，亦好大食，我平日會食少一餐晏，醫生話我新陳代謝快，所以食乜都燃燒晒。不過『登六』後燃燒冇咁快，所以食嘢要識得取平衡，我間中都食得好heavy，食吓啲惡毒嘢，比如牛雜，之後又食番啲涼瓜平衡番，好彩我鍾意食啲嘢原來都幾啱養生。」他亦表示足夠睡眠也有助凍齡：「我晚晚起碼瞓八個鐘，我個名叫『區睡眠』，我明白都市人係太忙冇得瞓，有啲人年紀大，只係瞓到五、六個鐘，瞓覺好重要，瞓得少會易老。我就瞓得食得，有時心情都影響睡眠質素，如果成日有嘢擔心咪瞓唔着，我每日時間表喺自己個腦，乜都自動調節，我係freestyle。」
保養要由內到外，不過區瑞強笑稱本身亦得天獨厚：「其實我嘅臉形都幾baby face，令我望落去好後生，尤其我一笑起嚟。」區瑞強出道至今，都貫徹喜歡戴帽，他說：「以前做音樂主持，成日要吹頭，試過有次戴咗一頂牛仔帽，嗰日慳番唔使吹頭，發達喇，於是戴到依家，返唔到轉頭，我屋企有成間房係放帽，依家習慣咗戴帽keep young。」區瑞強自爆帽子下的秘密，他搞笑說：「我有頭髮㗎！」
「冇嘢上心」
近日流行講「長命120歲」，63歲的區瑞強直認心境開朗，經常保持在20歲，他說：「我個腦好活躍，從來只記得開心。我EQ好高，我乜都會let go，我唔高興都唔會即刻反枱，任何嘢我都唔會上心。我早幾年直情唔太記得自己幾多歲，有時要死60幾又得，50幾又得，人生長短唔重要，生命意義先緊要，圈中好多人浪費緊生命，佢哋有好多無謂應酬，同無謂爭拗。」
場地提供：Harlan's
長青網 - 一站式長者及護老者生活資訊網站
撰文：比華利
攝影：林德雄
區瑞強日前在尖沙嘴接受《蘋果》專訪，對於「不老之謎」，他大方分享秘訣：「我讀書時乜嘢運動都玩，打波、游水、划艇，乜都識，練到一身好本領。我以前讀寄宿學校，早午晚食飯都會飲豆奶，我諗係少年嗰陣個底打得好。」他續說：「我都冇乜養生之道，『登六』咗都未察覺要養生，直到早排咳咗好耐，我先留意吓飲食。我向來唔太食煎炸嘢，我覺得養生之道，係視乎每個人體質、成長環境同生活模式，啱我未必啱你，專家同營養師講嘅亦唔可以照單全收。我自己就好鍾意食廣東菜，而且從來唔揀飲擇食，就算啲人話食『鹹魚』唔健康，又唔係餐餐食，只要自己身體run得暢順，我覺得食乜嘢都唔係大問題。」
瞓得少易老
多年來都保持30吋腰圍的區瑞強，自爆有不吃午餐的習慣：「我嘅運動量大，亦好大食，我平日會食少一餐晏，醫生話我新陳代謝快，所以食乜都燃燒晒。不過『登六』後燃燒冇咁快，所以食嘢要識得取平衡，我間中都食得好heavy，食吓啲惡毒嘢，比如牛雜，之後又食番啲涼瓜平衡番，好彩我鍾意食啲嘢原來都幾啱養生。」他亦表示足夠睡眠也有助凍齡：「我晚晚起碼瞓八個鐘，我個名叫『區睡眠』，我明白都市人係太忙冇得瞓，有啲人年紀大，只係瞓到五、六個鐘，瞓覺好重要，瞓得少會易老。我就瞓得食得，有時心情都影響睡眠質素，如果成日有嘢擔心咪瞓唔着，我每日時間表喺自己個腦，乜都自動調節，我係freestyle。」
保養要由內到外，不過區瑞強笑稱本身亦得天獨厚：「其實我嘅臉形都幾baby face，令我望落去好後生，尤其我一笑起嚟。」區瑞強出道至今，都貫徹喜歡戴帽，他說：「以前做音樂主持，成日要吹頭，試過有次戴咗一頂牛仔帽，嗰日慳番唔使吹頭，發達喇，於是戴到依家，返唔到轉頭，我屋企有成間房係放帽，依家習慣咗戴帽keep young。」區瑞強自爆帽子下的秘密，他搞笑說：「我有頭髮㗎！」
「冇嘢上心」
近日流行講「長命120歲」，63歲的區瑞強直認心境開朗，經常保持在20歲，他說：「我個腦好活躍，從來只記得開心。我EQ好高，我乜都會let go，我唔高興都唔會即刻反枱，任何嘢我都唔會上心。我早幾年直情唔太記得自己幾多歲，有時要死60幾又得，50幾又得，人生長短唔重要，生命意義先緊要，圈中好多人浪費緊生命，佢哋有好多無謂應酬，同無謂爭拗。」
場地提供：Harlan's
長青網 - 一站式長者及護老者生活資訊網站
回應 (0)
