新聞類別
娛樂
詳情#
【蘋果日報】姐匙早排同朋友食飯吹水講起「雀哥」，以前未紅已經扮嘢，依家叫做多人識咗，更變本加厲，扮晒嘢都算，仲要貪心又冇口齒。話說早排雀哥識咗個妹妹仔，對方咁啱幫眼鏡公司手，贊助雀哥眼鏡，因為見佢有時都會戴眼鏡上鏡。人哋啲眼鏡唔係平貨，副副都要幾千蚊，雀哥當然唔客氣攞咗幾副，仲要預埋屋企人。
好多時藝人收到贊助產品都會識做，影張相放上社交網打吓卡交代，不過雀哥着數攞盡，但死都唔肯公開打卡，妹妹仔冇諗到佢連影張相當多謝吓贊助商都唔肯，仲要話：「做乜要幫你宣傳？」問題又嚟喇，妹妹仔當初同雀哥傾贊助，已經講到明要幫手宣傳吓，冇諗過佢會反口，惟有叫雀哥退番啲未戴過嘅眼鏡，等佢同公司交代。但係財到光棍手又點會退貨吖，雀哥仲鬧人話送咗畀佢嘅嘢就係佢嘅！
妹妹仔俾雀哥兇一兇就喊咗出嚟，好彩眼鏡老闆知道件事，冇怪責妹妹仔，仲話算數，以萬零蚊貨仔，就睇清呢個人嘅真面目。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。
長青網 - 一站式長者及護老者生活資訊網站
好多時藝人收到贊助產品都會識做，影張相放上社交網打吓卡交代，不過雀哥着數攞盡，但死都唔肯公開打卡，妹妹仔冇諗到佢連影張相當多謝吓贊助商都唔肯，仲要話：「做乜要幫你宣傳？」問題又嚟喇，妹妹仔當初同雀哥傾贊助，已經講到明要幫手宣傳吓，冇諗過佢會反口，惟有叫雀哥退番啲未戴過嘅眼鏡，等佢同公司交代。但係財到光棍手又點會退貨吖，雀哥仲鬧人話送咗畀佢嘅嘢就係佢嘅！
妹妹仔俾雀哥兇一兇就喊咗出嚟，好彩眼鏡老闆知道件事，冇怪責妹妹仔，仲話算數，以萬零蚊貨仔，就睇清呢個人嘅真面目。
撰文：Jessie
姐匙Talk
我姐匙縱橫歌影視幕後，多年嚟冷眼旁觀，娛樂圈大小事都走唔過我雙眼，歡迎大家嚟剝花生。
長青網 - 一站式長者及護老者生活資訊網站
回應 (0)
