邵音音指沈威呼吸機維持生命

【蘋果日報】邵音音前晚在尖沙嘴出席活動，談及沈威在北京病危ICU一事，她說：「差唔多都冇，入咗醫院三日，醫生一直叫佢拔喉，因為佢冇表情、冇動作、唔識郁，只係個腦冇死，一直用呼吸機維持生命。」音音姐表示幾經轉折，找到他在新加坡的女兒到北京見他，當時沈威見到女兒更短暫清醒，點頭表示續命。
音音姐續說：「佢個女唔係呢行，又幾十年冇見爸爸，話想親自送爸爸最後一程，不過佢媽媽都cancer末期，佢唔係好接受到雙親喺呢個時間走，好唔開心，最後佢得到媽媽批准去北京送爸爸一程，佢都冇辦法接受，我惟有安慰佢人生無常。」音音姐表示醫生現時用呼吸機和鎮靜劑協助沈威，而演藝人協會及香港武師公會已協助。
採訪、攝影：盧妹
長青網 - 一站式長者及護老者生活資訊網站