新聞類別
娛樂
詳情#
【蘋果日報】
陳百強（Danny）父親陳鵬飛本月5日離世，享年95歲。Danny哥哥陳百靈噚日喺香港殯儀館為爸爸設靈，今日出殯後喺荃灣華人永遠墳場下葬。陳百靈同家人噚日約晏晝4點前已抵達靈堂，而「為你喝采陳百強」歌迷會亦有成員到場幫手打點，汪明荃、楊受成父女、顧美華同趙雅芝夫婦等先後到靈堂弔唁。
喪禮冇宗教儀式
陳百靈接受訪問時神情肅穆，佢話喪禮冇宗教儀式，爸爸離開時好安詳，生前亦冇乜特別病痛，一向都好精神。問到陳爸爸生前有冇交代身後事？陳百靈話：「冇準備，好突然，所以冇講。」點解唔將Danny同爸爸一齊葬埋喺將軍澳？陳百靈話：「唔會，佢（爸爸）會同爸爸（爺爺）一齊，土葬，喺荃灣，Danny喺將軍澳。」至於陳媽媽心情？佢話：「好自然，冇特別，好正常，佢都會嚟。」陳百靈又講到爸爸留下嘅生意，佢哋幾兄弟會幫手打理。
阿姐感慨話好唔捨得飛哥離開：「同飛哥好熟，除咗佢係Danny爸爸之外，喺粵劇界係唱得好出名，我哋都有聯絡，佢中環有錶行，經過都會去打招呼，佢係好好嘅長輩。」陳爸爸離世係咪好突然？阿姐話：「始終老人家，佢大仔有講佢爸爸走得好安詳。」
撰文：馮仁昭
陳百強（Danny）父親陳鵬飛本月5日離世，享年95歲。Danny哥哥陳百靈噚日喺香港殯儀館為爸爸設靈，今日出殯後喺荃灣華人永遠墳場下葬。陳百靈同家人噚日約晏晝4點前已抵達靈堂，而「為你喝采陳百強」歌迷會亦有成員到場幫手打點，汪明荃、楊受成父女、顧美華同趙雅芝夫婦等先後到靈堂弔唁。
喪禮冇宗教儀式
陳百靈接受訪問時神情肅穆，佢話喪禮冇宗教儀式，爸爸離開時好安詳，生前亦冇乜特別病痛，一向都好精神。問到陳爸爸生前有冇交代身後事？陳百靈話：「冇準備，好突然，所以冇講。」點解唔將Danny同爸爸一齊葬埋喺將軍澳？陳百靈話：「唔會，佢（爸爸）會同爸爸（爺爺）一齊，土葬，喺荃灣，Danny喺將軍澳。」至於陳媽媽心情？佢話：「好自然，冇特別，好正常，佢都會嚟。」陳百靈又講到爸爸留下嘅生意，佢哋幾兄弟會幫手打理。
阿姐感慨話好唔捨得飛哥離開：「同飛哥好熟，除咗佢係Danny爸爸之外，喺粵劇界係唱得好出名，我哋都有聯絡，佢中環有錶行，經過都會去打招呼，佢係好好嘅長輩。」陳爸爸離世係咪好突然？阿姐話：「始終老人家，佢大仔有講佢爸爸走得好安詳。」
撰文：馮仁昭
回應 (0)
