劉浩龍拒騷擾安仔

【蘋果日報】師兄劉浩龍在「安心偷食」當晚有份出席飯局，前晚他與王灝兒（JW）以大使身份在尖沙嘴出席仁愛堂就職晚宴，問到師兄有否致電好友許志安？他說：「冇呀，呢段時間畀佢休息吓、淨化吓、喘息吓，作為朋友唔應該再騷擾。」他表示遲一點才慰問安仔。
原來師兄已是第二年擔任仁愛堂大使，他表示會盡力為慈善團體幫助老人與小孩：「自己嘅婆婆有腦退化，依家已經96歲，佢同小朋友一樣，我會去老人院探佢、餵佢食嘢，佢會唔肯食嘢，我走嘅時候佢又會喊，我哋嘅感情好好。」婆婆有否催促要飲孫新抱茶？師兄說：「依家婆婆已經唔認得我，乜都唔識講，上次見到我就淨係叫我做冷氣機，不過見到佢開心就足夠。」
採訪：羅慧敏
攝影：陳慧安
長青網 - 一站式長者及護老者生活資訊網站