李澤楷郭嘉文情侶裝　馬場任影

【蘋果日報】小小超李澤楷是超級鑽石筍盤，現年52歲的他2016年與前港姐季軍郭嘉文撻着後，戀情一直保持低調，郭嘉文更為了專心做楷女郎，淡出娛樂圈，入住過億九龍塘豪宅，又不時陪男友外遊拍拖。直至昨日，小小超終於用行動正式公開郭嘉文的女友身份，首次拍拖現身沙田馬場。
笑容滿面
小小超和郭嘉文拍拖三年，從未正式帶過女友出席公開場合，但昨日他投資的保險公司在沙田馬場舉行盃賽，就破例首次公開帶女友見人。二人相當有默契，同樣穿上藍色色調的情侶裝束，小小超一身寶藍色西裝，而郭嘉文就身穿粉藍色碎花喱士裙，手持美國中價品牌Kate Spade綠色手袋。二人由馬會正門行上樓梯，並肩行去馬會廂房，小小超未有拖着女友，途中郭嘉文見到有記者採訪，本來準備先行入廂房，不過記者要求二人合照，小小超就示意女友停下來，二人全程企定定，笑容滿面，大方任影唔嬲。之後二人齊齊行入廂房，未有接受訪問。
心美速閃
同場的李佳芯（Ali）表示自己非常喜歡馬匹，有學騎馬之餘，亦愛照顧馬，Ali說：「自己有做馬主計劃，希望有一日可以有一間大屋兼且有牧養馬匹嘅地方。」 對於「安心偷食」黃心穎被飛出無綫所有工作，Ali說：「對我嚟講冇乜大影響，我冇取代佢嘅工作。」而心穎大家姐黃心美昨日就擔任司儀，但低調離開未有受訪。
張智霖（Chilam）也有現身馬場，最近積極減肥的他說：「覺得食得太飽好辛苦，同朋友打邊爐亦都減少。」對於太太袁詠儀笑他似多啦A夢，Chilam說：「身邊有人激勵我係好事，最近已經減咗四、五磅。」同場的新婚人妻沈卓盈開心晒婚戒，問到會否在香港補擺喜酒，她說：「未決定，因為要工作，仲未有時間度蜜月，自己想去陽光與海灘地方，但係唔識游水，要先去學。」
採訪：張俊銘
攝影：陳慧安
長青網 - 一站式長者及護老者生活資訊網站