【馮仁昭四圍超】松岡夏威夷擠事業線

【蘋果日報】松岡李那主演嘅新片《作家的謊言：筆忠誘罪》喺暑假上映，早前海報疑因內容過激俾港鐵同九巴「封殺」，被建議唔適合刊登。
不過，松岡嘅心情似未有受到影響，噚日佢喺Ig貼出水着照，佢原來去咗夏威夷一間酒店打卡，佢用英文留言話，自己喺夏威夷享受中，又話身上着緊嘅比堅尼係今季新款。松岡懶洋洋瞓喺沙灘椅上，仲擺出高舉雙手或伸懶腰不同姿勢，其中一個側身甫士仲擠出4吋事業線。
撰文：馮仁昭
長青網 - 一站式長者及護老者生活資訊網站