新聞類別
娛樂
詳情#
【蘋果日報】王君馨同林芊妤（Coffee）噚日以運動裝打扮到銅鑼灣出席瑜伽活動，王君馨坦言要打扮性感係有少少壓力，佢話：「因為近排冇時間健身，每日瞓幾個鐘，所以今日有啲腫。」對於有份演出嘅劇集最近播出一幕佢被強姦嘅戲份，問老公有冇睇？王君馨話：「佢平時會陪我睇電視，但依家我要拍劇，所以佢應該冇睇。」雖然最近開工好忙，不過佢話已經計劃好年底同老公去歐洲旅行。
抱仔似舉啞鈴
另外，王君馨大讚Coffee生完BB之後，身形仍然好弗，但佢自問唔夠條件生小朋友：「我朝早6點收工，依家嘅返工時間根本唔健康，唔係一個適合環境畀BB成長。」Coffee都話以前拍劇搞到身體好差：「子宮有毛病，醫生都話我好難會有BB，但經過兩、三年休息，好快有咗BB。」
Coffee囝囝已經六個月大，佢話囝囝依家有22磅，係九個月大BB嘅體重。王君馨笑Coffee抱仔感覺應該好似舉啞鈴，Coffee笑住話：「所以我冇特別瘦身，不過好彩囝囝夠高大，配合到體重，似老公。」
撰文：馮仁昭
長青網 - 一站式長者及護老者生活資訊網站
抱仔似舉啞鈴
另外，王君馨大讚Coffee生完BB之後，身形仍然好弗，但佢自問唔夠條件生小朋友：「我朝早6點收工，依家嘅返工時間根本唔健康，唔係一個適合環境畀BB成長。」Coffee都話以前拍劇搞到身體好差：「子宮有毛病，醫生都話我好難會有BB，但經過兩、三年休息，好快有咗BB。」
Coffee囝囝已經六個月大，佢話囝囝依家有22磅，係九個月大BB嘅體重。王君馨笑Coffee抱仔感覺應該好似舉啞鈴，Coffee笑住話：「所以我冇特別瘦身，不過好彩囝囝夠高大，配合到體重，似老公。」
撰文：馮仁昭
長青網 - 一站式長者及護老者生活資訊網站
回應 (0)
