新聞類別
娛樂
詳情#
【蘋果日報】文詠珊（JM）、容祖兒、陳瀅、周柏豪、歐鎧淳和男友胡子彤等前晚到銅鑼灣出席活動，準新娘JM表示近來忙於籌備10月舉行的婚禮：「起初以為有好多時間慢慢搞，但依家發覺時間越嚟越少，好多嘢都未準備好，好彩衫已經試咗，而賓客名單亦定咗，真係好大工程。」她透露婚禮將在意大利米蘭郊區舉行：「始終喺外地搞溝通上比較花時間，即使有wedding planner幫手，但始終唔喺當地，所以都幾麻煩。」
下月做伴娘
未來老公可有參與籌備？JM說：「佢交晒畀我搞，其實我覺得都好，因為好驚一齊搞會有拗撬，始終係開心事，一個人handle可能會更好，而且婚禮一世人一次，當然要有啲要求。」她透露邀請好友嚴紀雯（Carmen）擔任伴娘：「最大問題係Carmen嚟緊6月會結婚，我先做佢伴娘，到10月佢就幫番我做伴娘，所以大家都好忙，根本冇乜時間一齊開會。」可會返港再補擺喜酒？她說：「應該唔會再大搞，因為真係唔簡單同好攰，一定會同雙方屋企人食飯，但形式上就會比較casual。」
想好好休息
同場的祖兒將於8月舉行18場演唱會，門票在前日開售時即售罄，談到反應好，她說：「啱啱收到公司消息，內部訂購每人cut剩五張，公司問我會唔會考慮開日場，但一日表演兩場我就覺得好辛苦。」她早前已表示舉行18場期間，已預留兩日休息，她坦言以前會心軟加場：「以前我會心軟，犧牲兩日休息開埋佢，換多兩萬個fans睇到，但我的確想好好休息，做好呢18場。」提到今次改為延遲取票，她說可以避免一些人用程式代購。
採訪：曹家誠
攝影：陳慧安
長青網 - 一站式長者及護老者生活資訊網站
下月做伴娘
未來老公可有參與籌備？JM說：「佢交晒畀我搞，其實我覺得都好，因為好驚一齊搞會有拗撬，始終係開心事，一個人handle可能會更好，而且婚禮一世人一次，當然要有啲要求。」她透露邀請好友嚴紀雯（Carmen）擔任伴娘：「最大問題係Carmen嚟緊6月會結婚，我先做佢伴娘，到10月佢就幫番我做伴娘，所以大家都好忙，根本冇乜時間一齊開會。」可會返港再補擺喜酒？她說：「應該唔會再大搞，因為真係唔簡單同好攰，一定會同雙方屋企人食飯，但形式上就會比較casual。」
想好好休息
同場的祖兒將於8月舉行18場演唱會，門票在前日開售時即售罄，談到反應好，她說：「啱啱收到公司消息，內部訂購每人cut剩五張，公司問我會唔會考慮開日場，但一日表演兩場我就覺得好辛苦。」她早前已表示舉行18場期間，已預留兩日休息，她坦言以前會心軟加場：「以前我會心軟，犧牲兩日休息開埋佢，換多兩萬個fans睇到，但我的確想好好休息，做好呢18場。」提到今次改為延遲取票，她說可以避免一些人用程式代購。
採訪：曹家誠
攝影：陳慧安
長青網 - 一站式長者及護老者生活資訊網站
回應 (0)
