新聞類別
娛樂
詳情#
【蘋果日報】湯鎮業的一對24歲孖仔，大孖湯君慈（Bruce）與細孖湯君耀（Chris）有一個索媽媽姜坤。已屆48歲的姜坤，身形甚苗條，保養得宜，絕對稱得上是索媽，與一對孖仔站在一起，猶如三姊弟一樣，細孖Chris更笑指，與媽咪蹺手出街，驚媽咪被誤會是女友。不過姜坤透露當年陀孖仔時體重達190磅，要卧床半年相當辛苦，到現在仍有後遺症，親證母愛偉大。
撰文：梁錦雯
攝影：陳俊強
姜坤曾參選亞姐並簽約亞視，入行不久便與湯鎮業拍拖，有身孕後更解約做全職媽媽，是湯鎮業的第一任妻子，生下大女湯愛嘉，之後再誕下孖仔湯君慈和湯君耀，與湯鎮業於2001年離婚，多年來未曾接受訪問。48歲的姜坤透露生這對孖仔時相當辛苦，她分享這個難忘的經歷時，在旁的大孖Bruce即笑言：「辛苦晒，媽咪，呢個故事聽過無數次，每年生日都聽一次，佢話我哋生日都係佢嘅生日。」姜坤說：「生家姐嗰時係正常，係140、150磅，生佢哋兩個嗰時係190磅，體重多咗個double，佢哋兩個出世，細佬7磅13，大佬7磅8，兩個都好重，陀B過程要喺床瞓咗半年，唔敢落床。依家生完咁耐，腰都歪咗有問題，負荷太重，同埋食嘢都唔可以食太甜，會有痹痛感覺。」
婚後一齊住
捱過陀B時的辛苦，姜坤表示湊仔的生活相對輕鬆，而離婚後三子女都跟她一起生活，問到教子心得？她指兩兄弟自小已好乖又自律，不用她粗心，有錯由得他們自我反省，她透露有次兩兄弟因打波而爭執：「有一次好驚，細寶喺學校打畀我，喊住話個鼻不停流血，我即刻去接佢，原來係大寶打到佢流血。要去醫院做手術，大寶嗰時好驚，已經唔需要鬧，我懲罰佢陪細寶半夜做手術，大寶好內疚就知錯。」
姜坤以「大寶」及「細寶」稱呼一對兒子，就知她視兩兄弟如珠如寶，影相時又自然地蹺實囝囝手臂、挨落囝囝膊頭，而Bruce及Chris亦絕不怕醜，應要求錫媽咪，三母子感情十分親密。細孖Chris外形比較柔弱，更爆料小時候愛扮女仔着裙冧媽咪，姜坤說：「其實我鍾意女多啲，佢有時着家姐啲公主裙，好得意跳芭蕾舞。」
在孖仔心目中，媽咪是完美的，問到將來找女友會否以母親為藍本？他們都表示：「最好啦，不過難搵，因為媽咪係好到絕晒種，要搵一個錫媽咪嘅女仔做女朋友，第時結咗婚，同媽咪一齊住，買隔籬單位。」三母子愛互相制衡對方，譬如她計劃將三子女的名字紋上身，兩個仔就反對，而細孖想穿耳窿，她亦會反對，Chris說：「15歲嘅時候一直想穿，不過驚媽咪唔畀，等咗幾年，18歲成年先穿，所以好尊重媽咪，但穿完之後，媽咪有買耳環畀我。」
「唔可以學壞」
一對孖仔入行做演員，作為母親會支持，平時會幫他們剪報，而他們第一次主演的電影《大師兄》，姜坤最少睇了三次，她說：「我估唔到佢哋第一次做得咁好，大寶表現比我想像中好，我以為細佬會蠱惑啲，估唔到佢做得好好。做每一個行業都係，一定要努力，仲後生可以多啲去試唔同嘅嘢，總之係唔可以學壞，唔可以食煙、飲酒、吸毒，絕對唔可以，講粗口我都好反對，佢哋知我底線喺邊度。」
接受不到再婚
當年決定做全職媽媽，問到姜坤覺得最大犧牲是甚麼？她表示結束婚姻後，已想好為子女不會再婚：「我都離咗婚差唔多20年，我都好享受同佢哋三個嘅時間，所以為咗佢哋三個都唔會諗再結婚，再有自己家庭，呢個係我一早放棄咗嘅嘢。」
不過孖仔反而支持媽媽再覓另一半，湯君慈說：「其實我同細佬冇乜所謂，都想媽咪有個伴，最緊要媽咪開心。」姜坤即笑說：「依家佢哋話冇所謂，都20幾歲，我唔想畀小朋友再有咁多，自己媽咪始終同爹哋唔同，媽咪同第二個男人有家庭生BB，對佢哋成長會唔係咁好，我自己都接受唔到呢樣嘢。」
化妝、髮型：Reece Lau of Kayan
服裝提供：The Kooples
場地提供：KOKO Roasters（南豐紗廠）
長青網 - 一站式長者及護老者生活資訊網站
撰文：梁錦雯
攝影：陳俊強
姜坤曾參選亞姐並簽約亞視，入行不久便與湯鎮業拍拖，有身孕後更解約做全職媽媽，是湯鎮業的第一任妻子，生下大女湯愛嘉，之後再誕下孖仔湯君慈和湯君耀，與湯鎮業於2001年離婚，多年來未曾接受訪問。48歲的姜坤透露生這對孖仔時相當辛苦，她分享這個難忘的經歷時，在旁的大孖Bruce即笑言：「辛苦晒，媽咪，呢個故事聽過無數次，每年生日都聽一次，佢話我哋生日都係佢嘅生日。」姜坤說：「生家姐嗰時係正常，係140、150磅，生佢哋兩個嗰時係190磅，體重多咗個double，佢哋兩個出世，細佬7磅13，大佬7磅8，兩個都好重，陀B過程要喺床瞓咗半年，唔敢落床。依家生完咁耐，腰都歪咗有問題，負荷太重，同埋食嘢都唔可以食太甜，會有痹痛感覺。」
婚後一齊住
捱過陀B時的辛苦，姜坤表示湊仔的生活相對輕鬆，而離婚後三子女都跟她一起生活，問到教子心得？她指兩兄弟自小已好乖又自律，不用她粗心，有錯由得他們自我反省，她透露有次兩兄弟因打波而爭執：「有一次好驚，細寶喺學校打畀我，喊住話個鼻不停流血，我即刻去接佢，原來係大寶打到佢流血。要去醫院做手術，大寶嗰時好驚，已經唔需要鬧，我懲罰佢陪細寶半夜做手術，大寶好內疚就知錯。」
姜坤以「大寶」及「細寶」稱呼一對兒子，就知她視兩兄弟如珠如寶，影相時又自然地蹺實囝囝手臂、挨落囝囝膊頭，而Bruce及Chris亦絕不怕醜，應要求錫媽咪，三母子感情十分親密。細孖Chris外形比較柔弱，更爆料小時候愛扮女仔着裙冧媽咪，姜坤說：「其實我鍾意女多啲，佢有時着家姐啲公主裙，好得意跳芭蕾舞。」
在孖仔心目中，媽咪是完美的，問到將來找女友會否以母親為藍本？他們都表示：「最好啦，不過難搵，因為媽咪係好到絕晒種，要搵一個錫媽咪嘅女仔做女朋友，第時結咗婚，同媽咪一齊住，買隔籬單位。」三母子愛互相制衡對方，譬如她計劃將三子女的名字紋上身，兩個仔就反對，而細孖想穿耳窿，她亦會反對，Chris說：「15歲嘅時候一直想穿，不過驚媽咪唔畀，等咗幾年，18歲成年先穿，所以好尊重媽咪，但穿完之後，媽咪有買耳環畀我。」
「唔可以學壞」
一對孖仔入行做演員，作為母親會支持，平時會幫他們剪報，而他們第一次主演的電影《大師兄》，姜坤最少睇了三次，她說：「我估唔到佢哋第一次做得咁好，大寶表現比我想像中好，我以為細佬會蠱惑啲，估唔到佢做得好好。做每一個行業都係，一定要努力，仲後生可以多啲去試唔同嘅嘢，總之係唔可以學壞，唔可以食煙、飲酒、吸毒，絕對唔可以，講粗口我都好反對，佢哋知我底線喺邊度。」
接受不到再婚
當年決定做全職媽媽，問到姜坤覺得最大犧牲是甚麼？她表示結束婚姻後，已想好為子女不會再婚：「我都離咗婚差唔多20年，我都好享受同佢哋三個嘅時間，所以為咗佢哋三個都唔會諗再結婚，再有自己家庭，呢個係我一早放棄咗嘅嘢。」
不過孖仔反而支持媽媽再覓另一半，湯君慈說：「其實我同細佬冇乜所謂，都想媽咪有個伴，最緊要媽咪開心。」姜坤即笑說：「依家佢哋話冇所謂，都20幾歲，我唔想畀小朋友再有咁多，自己媽咪始終同爹哋唔同，媽咪同第二個男人有家庭生BB，對佢哋成長會唔係咁好，我自己都接受唔到呢樣嘢。」
化妝、髮型：Reece Lau of Kayan
服裝提供：The Kooples
場地提供：KOKO Roasters（南豐紗廠）
長青網 - 一站式長者及護老者生活資訊網站
回應 (0)
